Seite:Hugo Martina 1856 0633.png

	Hugo von Langenstein: Martina

251c,57

Allen liuten wirt gegebin

Lon nach ir rehtem lebin

Und disiv welt ende nimet

60

Darzvo lon als ir gezimet

So wirt div svnne sunderbar

Wol sibenstunt also clar

Danne si doch nv schine

Und liehter vil vnd fine

65

So sunt ir alle daz wissen

Die sich gottes willen flissen

Die luhten vor sinen ovgen

Als div sunne an alles lovgen

Wafen mir tumben manne

70

Waz wirt der lihter danne

Div da erloschent niemer

Siv brinnent vor gotte iemer

Wer solde div gezellen gar

Wan ane zal sint gar die schar

75

Ich bin dez wol iehende

Ein blinde wurde da gesehinde

Und aber ein gesehinder blint

Sit div liehter ane zal da sint

Zahi was danne liehtes wirt

80

So der himelsche clare wirt

Gen sinem gesinde glestet

Wie sich ir frode danne mestet

Disiv wunne ist ane grunt

So div liehter elliv enzvnt

251d,85

Werdent von gotes clarheit

Daz wirt niemer volle seit

Wan ez ist vz vnd inne

Gar vber menschlich sinne

Da mac mit warheit wesen

90

Der stete sumer vz erlesen

Wan disen kvrzen sumer hie

Der clare winter niht erlie

Er muose im hie mit vollen

Mit allen bluomen zollen

95

Und lasterlich entrinnen

Sinen rifen hie von hinnen

Vnd nam im dur sinen haz

Grvonen cle lob vnd graz

Dez kalten winters verworht

100

Ist man zehimel ane vorht

Wan da ist der sumer stete

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 633. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0633.png&oldid=- (Version vom 18.8.2016)