Seite:Hugo Martina 1856 0627.png

	Hugo von Langenstein: Martina

An dem griffe ein bluome

Wesen in hohem ruome

Swar so die hende slifen

20

Daz siv niht wan bluomen grifen

Div hant hie rosen brichet

Swie siv der dorn stichet

Und wirt alsus er arnet

Dez sint ir wol gewarnet

25

Ez ist hivre als och verne

Daz man niht so gerne

Handelt also bluomen glanze

Vnd treit si gerne zecranke

249b,29

Sit diz bluomen frovde bringet

30

Und ze hohem muote twinget

Die so rehte schiere salwent

Vnd hie eines tages valwent

Uon winde vnd von svnnen

Dez wir niht erwenden kvnnen

35

Hie mit dem wisen wirt gemelt

Disiv betrogen vnstete welt

Der wir doch grozer wunne iehen

Wan wir niht bezzers han gesehen

Uns dunkit so gar gehure

40

Disiv zergancliche creature

Die vns got het gegeben

Dvr daz si hie vnser leben

Mit wandelunge reize

Zvo dem himelschen creize

45

Vnd im daz an gewinnen

Mit dienste vnd mit minnen

Da die liehten bluomen clar

Uber hundert tusent iar

Niht salwent von keinem wetter

50

In dez himels hohem etter

Da rifen noch der winter kalt

Hant dekeiner slaht gewalt

Da wil der rose ane dorn

Der von der megde geborn

55

Wart an alle swere

Der hohe wunderere

249c,57

Der wil daz zarte blvomelin

Dort dez geistis hende sin

Wan sin durluhtic schin

60

Ist ob aller clarheit fin

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 627. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0627.png&oldid=- (Version vom 18.8.2016)