Seite:Hugo Martina 1856 0611.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Don den obirn engeln alle stunt
Daz kvndent siv den vndern
Dez sol och nieman wundern
Bi den selben och her wider

90

Den guoten liuten hie nider

Der nivnde kor der engel
Der triuwe ein bluogender stengel
Diz sint nach gotes orden
Der iunste kor och worden

95

Vnd nach der schrifte tiuten

Die nehsten bi den luten
Siv hant niht namen von nature
Wan siv sint ein figure
Und ein verstantlicher geist

100

Nach gotlicher volleist

Vnd kvndent div mindern dinc
Mit ir botschaft vmbe rinc
Siv wisent och der liute sin
Uf hoher seiden gewin

105

Wie siv got erkennen mvn

Und im zedienste komen svn
Vnd wie siv hie svln leben
Dez kvnnen siv wol lere geben
Siv kerent vf mit stetem fluge

110

In der svzen minne zvge

Zvo der drivalt spiegel glaz
Da ist ir tranc vnd ir maz

243,1

Vnd ilent vnder sich zetal

Ze helfe dez menschen val
Diz drie kore in selden hoh
Der minne ie ze gotte zoh

5

Div vnder wonunge heizit

Da inne got erbeizit
Mit siner genaden helfe
Bi mengem engelschem welfe
Dirre nivn kore samenunge

10

Heizit div dritte wonunge

In der got wonet mit gewalt
Mit lebenden frovden vngezalt
Als ich da vor han gesaget
Der rehten warheit niht verdaget

15

Disiv wonunge driualtic

In der got vil gar gewaltic
Wonet bi im selbin da
Heizit an der scrift ierachia

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 611. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0611.png&oldid=- (Version vom 18.8.2016)