Seite:Hugo Martina 1856 0607.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Siv sint von minnen brünstic

20

Dar an furbaz wol kvnstic

Darnach die von kerubin
Hant an clarheit den gewin
Daz siv von gotlichem glaste
Fur die andern luhtent vaste

25

Ir schin ist so volkomen

Fur die andern vz genomen
In ist vf gottes minne gach
Und im die nehsten dar nach

241b,29

Ir ampt ist daz si lerent

30

Die liute vnd si kerent

Wie man got erkennen mac
Diz tuont siv an wider slac
Die vndern siv niht versmahent
Die genade die siv enpfahent

35

Uon den die ob in mit wirde

Sint vnd in minne begirde
Als ich iv han mit warheit
Von den von seraphin geseit
Die genade teilent siv furbaz

40

Mit den vndern ane haz

Die dritten heizint throni
Wie der genade vnd ampt si
Daz schribet der mensche witze
Daz got selbe da bi im sitze

45

Und da bescheide sinv gerihte

Nach siner gotlicher pflihte
Die sin wiser drivalt rat
Hat getan vnd och begat
Da von sint siv gar erluhtet

50

Mit der gerehtekeit erfuhtet

Daz siv den liuten lere geben
Wie siv gerehteclichen leben
Daz siv niht haben veile
An gerihte valsche vrteile

55

Ir genade si furbaz giezint

Den vndern die ir geniezint

241c,57

Als ich mit warheit hœre

So heizint diz drie kœre
Ein wonunge vnde niht me

60

Als ich iv ban bescheiden e

Disiv wonvnge heizit sunderbar
Div ober in der engel schar
Der vierde kor Dominationes

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 607. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0607.png&oldid=- (Version vom 18.8.2016)