Siv sint von minnen brünstic
Darnach die von kerubin
Hant an clarheit den gewin
Daz siv von gotlichem glaste
Fur die andern luhtent vaste
Fur die andern vz genomen
In ist vf gottes minne gach
Und im die nehsten dar nach
Wie man got erkennen mac
Diz tuont siv an wider slac
Die vndern siv niht versmahent
Die genade die siv enpfahent
Sint vnd in minne begirde
Als ich iv han mit warheit
Von den von seraphin geseit
Die genade teilent siv furbaz
Die dritten heizint throni
Wie der genade vnd ampt si
Daz schribet der mensche witze
Daz got selbe da bi im sitze
Nach siner gotlicher pflihte
Die sin wiser drivalt rat
Hat getan vnd och begat
Da von sint siv gar erluhtet
Daz siv den liuten lere geben
Wie siv gerehteclichen leben
Daz siv niht haben veile
An gerihte valsche vrteile
Den vndern die ir geniezint
So heizint diz drie kœre
Ein wonunge vnde niht me
Disiv wonvnge heizit sunderbar
Div ober in der engel schar
Der vierde kor Dominationes
Hugo von Langenstein: Martina. Hg. von Adelbert von Keller. Stuttgart 1856, Seite 607. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0607.png&oldid=- (Version vom 18.8.2016)