Seite:Hugo Martina 1856 0532.png

	Hugo von Langenstein: Martina

Div mengen hat gemuget

Und noch die liute bruoget

211b,29

Div zwei werdent volkomen

30

Uon den elementen genomen

Vnd fliezint in die helle sutten

Den svndern den siv hie butten

Ir dienst ir nutz zallen zitten

Uf diser erde vil witen

35

Vnd hant si vnverdrozzin

An allen danc hie genozzin

Die muozint si vnsvoze

Gelten mit swerer buoze

Und gent in sus die letze

40

Daz si ir marter wetze

So belibet och mit stetekeit

Dem wazzir sin clariv luterkeit

Dem fiure sin lihten schine

Vnd werdent schoner vnd fine

45

Swaz div viner elemente

An ir hant vnedeler rente

Div kerint alle danne wider

Zvo den svndern hin nider

Alsam der erde swere

50

Und ir dunkil vinsterbere

Daz zvo dez luftes truobsal

Tvot och zvo der helle val

Vnde sin vnfletic schimel

Och muoz erde vnde himel

55

Danne beidiv zergan

Daz svnt ir also verstan

211c,57

Ir geschepphede sich verkeret

Ir edilkeit wirt gemeret

Und belibet stete ir wesin

60

Als die pfaffen hant gelesin

Swer nv welle wol genesin

Der nemen den kern von der vesin

Nv han ich iv gemachen kvnt

Die zit die iungsten stunt

65

Wie der welte frovde welzit

Und wie si wirt versmelzit

Von dez fiures starken brvnst

Uon dez endecristes vfrunst

Biz daz div welt ende nimet

70

Waz da entzwüschent not gezimet

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 532. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0532.png&oldid=- (Version vom 18.8.2016)