Seite:Hugo Martina 1856 0471.png

	Hugo von Langenstein: Martina

Vnd sin strenges gerihte

187,1

Wan daz ist grimme gar

Swer sin rehte nimet war

Ez sprichit sant Jeronimus

Uon gottis gerihte alsus

5

Ich slafe oder wache

Mit senfte mit vngemache

Mit tranke oder mit spise

Oder in swelher wise

In singe in dem kore

10

So donet mir in dem ore

Div gottis vier her horne

Diu mit grozim zorne

Fur aldie welt wuofent

Und den toten ruofent

15

Daz siv zvo gerihte komen

Da wart allis daz vernomen

Daz vf erde ie geschach

Swer gottis gebot ie gebrach

Daz wirt da allis nivwe

20

Daz mit bihte noh mit triuwe

Hie niht gelutert ist

Daz rihtet danne ihesus crist

Allis nach dem rehte

Dem herren als dem knehte

25

Da vindet nieman veile

Frivntliches vrteile

Ich wil ein teil machen kvnt

Uon der schrifte nv zestunt

187b,29

Wie daz iungest gerihte erge

30

Und dez iamerlich geschre

Daz die verlornen schrigent

Die hie ir lebin frigent

Vor liplicher swere

Und geistlich lebin vnmere

35

Darzvo cristes marter hant

Wie trureclichen die gestant

E doch erge daz iungste zil

So geschiht e zeichen vil

Driv doch svnderlich geschehint

40

Dez die wisen pfaffen iehint

Daz erste zeichen besvnder

Daz ist daz menic wunder

Ergat mit grozim leide

Als ich harnach bescheide

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 471. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0471.png&oldid=- (Version vom 18.8.2016)