Seite:Hugo Martina 1856 0268.png

	Hugo von Langenstein: Martina

15

In dem brvnnen dristunt

Als siner nature ist kvnt

Svz ist im wol gelungen

Svz kan er sich ivngen

Och hat der ar wehe

20

Ein wunderliche spehe

Gein sinen kinden

Da mit er wil bevinden

Welez nach im arte

Und biutet danne vil zarte

25

Ein ieglich ärlin

Vf gein der sunnen schin

Daz dar in volleclichin siht

Er zerehtem kinde giht

107b,29

Daz abir daran zwieret

30

Mit den ovgen kieret

Und die sunnen schiuhit

Mit den ovgen fliuhit

Dur den selbin gebrest

Muoz ez rumen daz nest

35

Vnd het ez an vnderbint

Niht fur sin eigen kint

Div aber der sunnen glanz

Mit vollen ovgen schowet ganz

Div spiset er sa mit zvht

40

Fur sines libes rehte fruht

Och ist der adelar

Fur ander vogel milte gar

Swaz er spise beiaget

Mit frigem muote vnverzaget

45

Daz lat er vnvergezzin

Alle vogel mit im ezzin

Dur die milten sitte

Volget im vil uogel mitte

Als div schrift bezivget

50

Kein vogel so hoh fliuget

Als der adelar wol gemuot

Uf in die lufte tuot

Mit fleisch ist er vngesoumet

Swenne er sich vf goumet

55

So siht er vf gedinge

Allumbe sich zeringe

107c,57

Der kvene der vil wise

Wa er sine spise

Nach siner art erwerbe

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 268. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0268.png&oldid=- (Version vom 18.8.2016)