Seite:Hugo Martina 1856 0248.png

	Hugo von Langenstein: Martina

Daz er sin marter

Uf im selbe muoze tragen

Daz niht in den tagen

25

Die zwene schacher tatin

Die ez verschult hatin

Mit morde bi den ziten

Die an siner siten

99b,29

Wurden do ertœdit

30

Und dur reht genœtit

Willeclich er gienc

An daz criuce vnd enpfienc

Den tot ane schulde

Und wart mit gedulde

35

An daz criuce gezwickit

Dez billich erschrickit

Ein iegslich reine herze

Wa der grimme smerze

Allen smerzin vber wac

40

So ie menschin kvnne pflac

So vil sin nature

Und sin menschlich figure

Zarter vnde reiner was

Lvter als ein spiegel glas

45

So vil scherpfer vnde wirz

Was sin tod gelovbint mirz

Horint furbaz mere

Uon siner marter sere

Wie er wart getrenkit

50

Ezzich im wart geschenkit

Gemischit gar mit gallen

In spotwis mit schallen

Siv sich an im rachen

Dur sine siten siv stachen

55

Mit einem scharpfen spieze

Merkent wie er lieze

99c,57

In sin herze entrennen

Daz wir da bi erkennen

Sine minne muosten

60

Wie er in dirre wüesten

Der welte vns hat erarnet

Daz wir da bi gewarnet

Ualscher minne weren

Vnd daz wir gar enberen

65

Zegantzlicher liebe

Div vns als die diebe

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 248. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0248.png&oldid=- (Version vom 18.8.2016)