Seite:Hugo Martina 1856 0009.png

	Hugo von Langenstein: Martina

Den sit befunden hat ir sin

15

Wan si dem lebindige lebin

Mit tode ein ende wande gebin

Daz dur uns menschlich erstarb

Und vns ein lebindis lebin erwarb

In dem wir iemer lebin mvn

20

Bi dem lebinden gotis sun

Der dur vns starb vn genas

Dem truogen si vil grozen haz

Sit vnd ovch den iungeren sin

Die von in littin mengen pin

25

Und andir menic werder helt

Der von der welte wart beschelt

Ir guotis vnd ir wunne

Vnd von ir besten kvnne

4b,29

Dez sint siv wol ergetzit

30

Der dorn siv niht me kretzit

Den hie der tiefil wetzit

Kein vngemach siv letzit

In dirre durrehtunge

Do alt vnd darzvo ivnge

35

Cristes kenphin sluogen

Die sinen namen gewuogen

In mengem vngeverte

Noh hertir danne herte

Do keyser Alexander

40

Daz riche hielt do vander

Vil der cristenlichen diet

Als in div gotis minne riet

Daz was im harte sware

In dem vierden iare

45

Als er sin riche ane vienc

Dez er och frömde dinc begienc

Er saite dur sinen valschen got

Dur alle die welt ein nvwe gebot

So rehte strenge vnd och so vbil

50

Als im geriet der helle grubil

Daz die von Galylea

Den goten solten opfirn sa

Und daz niht langir fristen

Daz meinder an die cristen

55

Wan die von Galylea sint

Uzirweltis gotis kind

4c,57

Der name der tiut ein vbir vart

Wan er ist seleclich geschart

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 9. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0009.png&oldid=- (Version vom 18.8.2016)