vnd eigenthumblich deß H. Reichs / sampt den andern herrlichen Ländern / wol gar frembden außländischen zuschantzen könne / der gestalt vor Augen gestellet worden / das darauß männiglich zur gnüeg abzunehmen / wie gar zu viel vnnd vnrecht Vns / die Wir niemanden / auch geringen Standes / das seinige wider Recht zu entziehen begehren / mit angeregter Bezichtigung geschehe.
Und ob wol die Käys: Mtt: durch ein / vor diesem Publicirtes Edict mehr besagte von den Ständen der Cron Böhmen vorgenommene vnd auff Vns gefallene wahl vnd Crönung / mit erzehlung allerhand scheinbarer Vmbstände / eine geraume verflossene Zeit hernacher / nicht allein zu widersprechen / sondern auch allerdings zu cassiren vnd zu annuliren sich angemast / so stehen wir doch in der vngezweiffelten Hoffnung / es werde ein jedweder bey sich leichtlich ermessen können / das Ihre Mtt: als welche inn dieser Sachen / wegen deren von den Ständen besagter massen vorgenommenen Abdication[1] vnd erfolgten Wahl / jhre von etlichen vngültigen Praesuppositis,[2] hergeführte Osterreichische Praetensiones[3] zu haben vermeynen / vnd also eine Partey seind / die Cognition, ob nemblich die Stände in Böhmen / hierinnen rechtmässig / jhren Reichs Satzungen vnd Privilegien gemäß gehandelt / vnd also die newe Wahl kräfftig oder nichtig / vnd von Vnwürden sey / keines wegs gebühre / noch im Rechten zu verantworten / jhre Privatsachen vnnd Osterreichische Praetensiones vnter dem Schein der Käyserlichen Authoritet, Vollmacht oder Obmässigkeit / mit angedroheten Executions Processen[4] durchzutringen / vnd sich selbsten in propria causa[5] allem Rechten vnd Reichs Ordnungen zugegen / eygnes Gewalts zum Richter auffzuwerffen. So wenig als Kayser Friedrich[6] / Kayser Carl[7] / Kayser Rudolff[8]hatt doch Kayser | Carol dem Saxen[9] | die Chur genummen | da er ihr May:stätt| zu wider war p. vnd andere vorgehende Römische Kayser / sich in jhren / gegen die Reichsständ habenden ParticalurForderungen vnnd Strittigkeiten / deß Kläger vnd Richters stell sich zugleich angemasset
oder vnternommen haben.- ↑ Abdankung
- ↑ Voraussetzungen
- ↑ Ansprüche
- ↑ Reichsexekution
- ↑ in eigener Sache
- ↑ vermutlich Friedrich III.
- ↑ Karl V., der nach dem Sieg über den Schmalkaldischen Bund Johann Friedrich I. von Sachsen die Kurwürde entzog
- ↑ vermutlich Rudolf II.
- ↑ Johann Friedrich I. von Sachsen
Friedrich V. von der Pfalz: DEr Königl: Mtt: in Böhmen Bericht und Erklärung / wider die vnter dem Nahmen der Käyserl: Maytt: außgangene vnd ferners angedroete / nichtige / wider Rechtliche vnd verbotene Mandata vnd Declarationes die Cron Böheimb betreffendt.. , Prag 1. Juli 1620, Seite 7. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hilfeersuchen_Friedrich_V._an_die_Reichsst%C3%A4nde_C-L_011-2.jpg&oldid=- (Version vom 1.8.2018)
