Nothen gelegen, fursetzlich hab vmbbracht.
welche also mit dem kind verschüden. vnd
alß man sich vergraben, hab sy die selbe m[it]
hilff Jreß Satanß vffdeckht, vnd Jr daß
kindlin auß dem leib geschnitten. Welc[h]
kind sy alle Zu Jrer Zauberei gebraucht
vnd Zu nochuolgende hagel.
waß sy fur vichß geschedigt vnd vmbbracht h[at]
Eristlich dem Sima Holtzsthucher ain Roß ve[r]derbt
aber doch Zum todt nit gerathen.
Jtem dem gebhartten ein kalbin vmbbra[cht]
for Zehen Jaren.
Jtem dem Guetterer ain schwartze K[ue]
vmbracht.
Jtem der Trauten Laitmulerin vonn An[?]
ainn Kue vmbracht.
Weitter vnd letstlich bekent sy mit aller
vnderschid, daß sy mit hilff der Teuffel
vnd Jrer gesellschafft, Zuuerderbung der
Lieben frucht vff dem Landt dem Mensche[n]
sein Narung Zu entziechen, gemach hab
hagel, Reuffen, Nebel. souiel Jn Gott verhengt,
welche Zaubereiischen vnd teuflichen
Marterei und stuckh. auch waß sy fur hag[el]
gemacht, sy aigentlich bekent vnd anzaigt,
aber aus der gelerten Rath. vnd vmb der geliebten
Jugent willen, solchs Offentlich Zu
berueffen vmbgangen.
Geständnisse der 1564 in Welden als Hexen verbrannten Magdalena Schmidin und Anna Beglerin. In: Sammelhandschrift Cod. Pal. germ. 331 der UB Heidelberg, Blatt 151v. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hexengest%C3%A4ndnisse_1564_Blatt_151v.jpg&oldid=- (Version vom 18.9.2016)
