Bekantnuß der zwayen Hexen oder vnholden Madalenna Schmidin von welden vnd Anna Beglerin von Werleschwang. So vff den 26 tag Januarii zu Welden mit dem Brand Gericht worden send Anno 1564.
Erstlich bekent Anna Beglerin von werleschwang daß sy bei den 20 Jaren Ein vnholden gewesen sey, vnd sie sich daß Erstmall hinder den laidigen teuffel Ergeben. von der vrsach wegen, das die herschafft hat allen vnderthannen anzaigen lassen war od(er) wölch am Juden legen, daß sy die selben solltten In Ainer genannten Zeit, von dem Juden wider Ledig machen. Dammals were sy gedachte Böglerin, vnd Ir man auch an dem Juden gelegen, vnd sy souil vnmuetß darab genomen, das Er von hauß hat lassen wöllen, In dem ward sie gen Zußmerhausen, zu gan vff den marckt. wolt flax od(er) werckh oder hanff[1] kauffen, vnd als Bald sy vber den weicher hinuber komen, alda war ein Paursmanß ein hupsche Person, In Ainem Schwartzen Rockh, hochen huet mit einer Weisen Feder, en vnd thailt hossen[2], vnd sy hab den linckhen fueß fur ain Gänß fueß angesehen, zu Ir komen vnd sich angesprochen, wol sie hinauß welle, haben sy genantwurt sy wellen gen
Anmerkungen (Wikisource)
Geständnisse der 1564 in Welden als Hexen verbrannten Magdalena Schmidin und Anna Beglerin. In: Sammelhandschrift Cod. Pal. germ. 331 der UB Heidelberg, Blatt 149r. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hexengest%C3%A4ndnisse_1564_Blatt_149r.jpg&oldid=- (Version vom 19.9.2016)
