Albrecht Dürer: Underweysung der Messung, mit dem Zirckel und Richtscheyt, in Linien, Ebenen unnd gantzen corporen | |
|
Item so man recht firung an einander setzt / so bleyben sie einmal wie das ander / aleyn das man sie vber ort / oder zwerchs mag stellen / oder man mag sie verrucken / wie die steinmetzen jre quader schliessen / wie das vnden ist auf gerissen.
Aber die rauten firung / die zwen weyt winckel / vnnd zwen eng gegen einander vber habenn / die setz zwyerley weyß also an einander. Erstlich das sie all durchs Endres creuetz geschidenn werden. Zuom andern setz zwo mit den seyten an einander / vnnd die dryt stoß zwerchs dorein / so sicht solichs wie ein gefirter wuerffel / also der massenn setz sie fuer vnnd fuer an einander / es gibt auch ein steren / so man .8. rauten mit jren spitz ecken zuosamen stest / das mag man auch than mit sechs vnd fuenffen / wie das hernach ist aufgerissen.
Albrecht Dürer: Underweysung der Messung, mit dem Zirckel und Richtscheyt, in Linien, Ebenen unnd gantzen corporen. Nürnberg, 1525, Seite 65. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Duerer_Underweysung_der_Messung_065.jpg&oldid=- (Version vom 31.7.2018)