Seite:Deutscher Liederhort (Erk) 067.jpg

	Ludwig Erk (Herausgeber): Deutscher Liederhort

21^a. Zwei Königskinder.

Mäßig langsam.

Aus dem Münsterschen.

Noten

1.

Et wassen twē Küenigeskinner,

de hadden enanner so lēif,
se kuonnen to nanner nich kuommen,
dat Water was vīl to dēip (brēit). :|:

2.

„Lēif Hierte, kanst du der nich swemmen?

lēif Hierte, so swemme to mī!
ik will di twē Keskes upstiecken,
un de söllt löchten to dī.“

3.

Dat höerde ne falske Nunne

up ere Slåpkammer, o wē!
se dēi de Keskes ūtdömpen,
lēif Hierte blēif in de Sē.

4.

Et was up en Suundage Morgen,

de Lüede wörn alle so frō,
nich so des Küeniges Dochter,
de Augen de sēiten er tō.

5.

„O Moder,“ sēide se, „Moder!

mine Augen doet mi der so wē;
mag ik der nich gåhn spazeren
an de Kant von de ruskende Sē?“

6.

‚‚‚O Dochter,‘‘‘ sēide se, ‚‚‚Dochter,

allene kanst du der nich gåhn,
weck up dine jüngste Süster,
un dē sall met di gåhn!‘‘‘

7.

„Mīn allerjüngste Süster

is noch son unnüesel Kind,
se plücket wol alle de Blöemkes,
de an de Sēkante sind;

8.

„Un plückt se auk men de wilden

un lött de tammen ståhn,
so segget doch alle de Lüede,
dat het dat Küenigskind dåhn.

9.

„O Moder,“ sēide se, „Moder!

mine Augen doet mi der so wē;
mag ik der nich gåhn spazeren
an de Kant von de ruskende Sē?“

10.

‚‚‚O Dochter,‘‘‘ sēide se, ‚‚‚Dochter!

allene sast du der nich gåhn,
weck up dinen jüngsten Broder,
un de sall met di gåhn!‘‘‘

11.

„Mīn allerjüngsten Broder

is noch son unnüesel Kind,
he schütt wol alle de Vüegel,
de up de Sēkante sind.

12.

„Un schütt he auk men de wilden

un lött de tammen gåhn,
so segget doch alle de Lüede,
dat het dat Küenigskind dåhn.

Empfohlene Zitierweise:
Ludwig Erk (Herausgeber): Deutscher Liederhort. Verlag von Th. Chr. Fr. Enslin, Berlin, Preußen 1856, Seite 67. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Deutscher_Liederhort_(Erk)_067.jpg&oldid=- (Version vom 25.10.2019)