Seite:De Zimmerische Chronik 4 241.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Froben Christoph von Zimmern: Zimmerische Chronik. Band IV. Herausgegeben von Karl August Barack.

Da mag all menigclich greifen zu,
Ee man terz, sext und mess thu.
Als dann zum essen sind berait

Die köch und auch die kuchemait.«

5

Ich fragt den portner aber mer,

Das er mir genzlich geb die ler,
Dardurch mir kurzlich würd benennt
Desselben closters regiment,

Auch ir gefiert von wort zu wort.

10

In dem so klopfet an die pfort

Ußwendig ain junkfraw gar schon.
Der portner ließ sie einher gon.
Mit ir gingendt geklaidet gleich

In schwarz drei dienstmägt süberlich.

15

Sie thet den portner fragen dess,

Ob man geleutet hett zu mes.
Er sprach: »Gnad fraw, es ist nit lang,
Das man die sext hub an und sang;

Ir komen noch darzu gering.«

20

Mit dem die frawe von uns gieng.

Ich sprach: »Portner, geselle mein,
Sag an, wer mag die junkfraw sein,
Die so stolzlich ins münster tritt?

Dessen ich dich ganz freundtlich bitt

25

Und umb dich wol verdienen soll.«

»Die ist auch ain conventual«,
Redet er. Das verwundert mich.
Ich antwurt im gar lecherlich

Und sprach: »Wie soll ich das verstan?

30

Du zaigst mir vor achtzehen man,

Die täglich da gond zu core;
Ich bitt, das du sagest ware,
So wie es sy umb diß geschicht.«

Der portner thet mir leignen nicht

35

Und sprach: »Als ich dir iez sagen,

Achzehen man die gond all tagen
Zu cor, und auch die frawenbild.
Die red laß dir nit sein zu wild!

Wann es ist nun als ain convent,

40

Das sich von ain nimmte^[1] zertrennt.

Es sy zu bett oder zu tisch.«
Ich sprach: »Nun sag mir rasch,
Dieweil sich zwai par parendt schlecht,

War komend dann ir mägt und knecht?«

45

Er sprach: »Das thun^[2] ich dir wol schein.

Wann herr und frawen schlaffendt fein,
So fürend sie sich mit der handt
Nit fer von des dormiters wand,

Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 241. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_241.jpg&oldid=- (Version vom 12.4.2018)