Wikisource

Seite:De Zimmerische Chronik 4 238.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Noch hat bemelter graf ain sprach gemacht von aim weltlichen closter[1], welcher nit weniger artlich, als lustig zu heren und zu lesen, und zu berewen, da er verloren oder in vergess sollt kommen. Der ist des nachfolgenden inhalts:

5
Ains mals ich in gedanken saß,

Mein herz das ward in freuden laß,
Umbgeben mit der fantasei,
Darzu auch die melancolei;

Die zeit mir vil verdrieses thet
10
Von fast gedanken, die ich hett

Im sinne baide tag und nacht.
Iedoch ich zu letste betracht,
So wie das törlich speculiern[2],

Der mentsch zu zeiten [in][3] seim hirn
15
Nach unbegriffen dingen thut,

Demselben selten kem zu gut,
Wann er desshalber wurt gedawt[4]
Und etwan siner sinn beraubt,

Das hart und auch erschröcklich ist,
20
Herumb gedacht ich zu der frist[5].

Laß solch imagination
Und such[6] ain recreation,
Darnach dein herz hat lang begert!

In dem da gieng ich zu mim pferdt;
25
Vil schnelleclich ich darauf saß,

Dieweil die zeit so lustig[7] was;
Der Mai besunder da regniert,
Gar lieplich war das feld geziert,

Mit manchen blumen schen geklaidt[8].
30
Ich rait ain weg, der was nit brait,

Besunder schmal und darzu lang,
Dess mich daselb groß sorg bezwang.
[1148] Iedoch durch glück do füegt es sich,

Das ich des morgens schnelleclich
35
Kam uf ain wundergroßen plan,

Der was so minnigclich gethan,
Das er mir da gab trostes vil.
Ich dacht, hie were wol freuden spil,

Dann daß ain mensch alhie nit ist.
40
Ich rait fürbaß zur selben frist

Ain steiglin uf, was also schnell
Uf ain berg, der was sinwell;

  1. ↑ weltlichen closter] ein frauencloster von so heiterer observanz ist beschrieben in Leo's von Rozmital Reise (Bibliothek des literarischen vereins VIl) s. 148.
  2. ↑ So wie . . . Der] man sollte erwarten Wie ... So der.
  3. ↑ in] dürfte zu ergänzen sein,
  4. ↑ gedawt] sollte wahrscheinlich heißen gedaubt.
  5. ↑ frist] hs. frisch.
  6. ↑ such] hs. sich.
  7. ↑ lustig] hs. listig.
  8. ↑ geklaidt] hs. geschlaidt.
Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 238. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_238.jpg&oldid=- (Version vom 12.4.2018)
Von „https://de.wikisource.org/w/index.php?title=Seite:De_Zimmerische_Chronik_4_238.jpg&oldid=3111846“