Seite:De Zimmerische Chronik 4 227.jpg

	Froben Christoph von Zimmern: Zimmerische Chronik. Band IV. Herausgegeben von Karl August Barack.

     Ich sprach: »Fraw, ich gib
Euch dess mein trew zu pfand,
E wollt ich uß dem land

Und nimmer mer darein kommen,

5

E solchs von mir würd vernommen:

So teur, als ain wort.
Es wer ain groß mordt,
Wann das von mir geschech.

Ob Gott das an mir rech,

10

Das wer mein rechter lon.«

     Sie sprach: »Nun pleib uf solcher ban
Und laß dich nit verfüren!
Darbei ich nit mög spüren

Dein lieb uß falschem grund;

15

Dann oft so redt der mundt

Und ist das herz doch weit darvon^[1].«
     Ich sprach: »Fraw, ich bin nit der man,
Der theur beut

Und wolfel geit^[2],

20

Dess seit ir wol von mir gefreit.

Ich gib euch guten kauf
Und treib nit der welt lauf,
Welches iezo ist gemain.

So kan ich nichs, dann ja und nain,

25

Wie ain ander kaufman,

Der nit vil verwarens kan.
So sagt mancher von goldt,
Wann mans recht beschawen sollt,

So wer es kum halber blei.« 

30

     Sie sprach: »Dem sy, gesell, wie im sy,

Das geschicht gar oft und vil,
Untrew hat ain langen stil,
Der raicht in alle landt

Und ist euch mannen^[3] wolbekannt;

35

Falsch, lüstig und ungetrew

Das ist under euch nit new,
Iez, als vor ain hundert jar.«
     Ich sprach: »Fraw, ir hapt war,

Das thut ainer, und der ander nit;

40

Ir frawen, ir gen wol auch mit

Bei uns mannen in disem raien.
Man findt manchen stolzen laien,
Den frawenlieb bewegt

Und all sein hoffnung darauf legt,

45

Wie er der liebin dienen kan;

Dem henkt ir dann des karren an.

---

1. weit darvon] vgl. Mathaeus 15, 8.
2. theur beut und wolfel geit] die fischer erscheinen als solche sprichwörtlich; s. Hätzlerin, Liederbuch II, 85, 190; Laßberg, Liedersaal III, 544, 194.
3. euch mannen] vgl. Eiselein a, a. o. s. 445.

Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 227. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_227.jpg&oldid=- (Version vom 12.4.2018)