Seite:De Zimmerische Chronik 4 217.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Froben Christoph von Zimmern: Zimmerische Chronik. Band IV. Herausgegeben von Karl August Barack.

Und setzt sich zu mir nider.
Do bekam ich erst mein herz wider,
Biß ich erholt dise wort

Und sprach: »Ach liebster hort^[1],

5

Ich wolt euch gern fragen,

Wer euch her hett tragen
An disem morgen so früe?«
Sie sprach: »Gesell, es brecht mir müehe,

Wann ich dirs sagen sollt.

10

One alles geferd ich wollt

Spacieren sein gangen
Und hett doch groß verlangen,
Was in der stuben wer.

Also kum ich daher

15

Und gedacht, ich will

Uf heren^[2] diser redt,
Wiewol ich unrecht het;
Dann wer zu losen ist genaigt,

Kain gute that er damit erzaigt,

20

Und halts für ain bese art,

Als sie nie erhert ward.
Iedoch möcht ichs nit losen,
Ich muß die thüer ufstoßen,

So find ich dich allain.«

25

Ich sprach: »Fraw, es ist nit vain,

Ir hapt mich hart erschreckt
Und uß schweren danken erweckt,
[1137] Das teglich mich anfiecht;

Hab ich nit trost, mein herz das brücht.

30

Ach fraw, mit ewerm gruß,

Fürwar, ir müßt ain schwere buß
Von Gott darum empfahen.«
»Gesell, laß dirs nit verschmahen!

Schwig und her ain klains!

35

Ich will dir sagen ains:

Ich merk in meinem sin,
Das ich dieselbig bin,
Die du alhie thust nennen.«

Ich sprach »Fraw, ich muß bekennen

40

Die warhait von eurtwegen;

Gott soll mein nit pflegen,
Wo dem nit also sei!
Ich danz, sing oder schrei,

So geschicht es als in ewerm dienst.«

45

»Ach gesell, es ist nit das wengst,

Das mir die nacht gedraumet hat:
»Secht zu, was große not
Man bei den leuten find!«

Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 217. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_217.jpg&oldid=- (Version vom 12.4.2018)