|
Froben Christoph von Zimmern: Zimmerische Chronik. Band IV. Herausgegeben von Karl August Barack. |
|
|
Kurzlich nachdem grave Johann Wernher von Zimbern
mit todt abgangen, do ist grave Gotfridt Wernhers gemahl, die grefin von Hennenberg, auch schwach worden. Als desselbigen dreisigisten zu Mösskirch gewest, ist sie das letst mal zu kirchen gangen, dann sie hernach blöde und anligen halben leibs nie mer userm schloß kommen ist. Sie
het gleichwol alters halb noch vil jar leben künden, aber in bedacht, das sie in etlichen jaren in kain warm badt war gezogen, das die überflissigkeit het megen verzeren, wie es dann ir gröste notturft het erfordert, do kamen sie mancherlai krankhaiten an. Das war erstlichs ein unmeßiger, großer
husten; der thette ir vil zu laidt. Baldt hernach volgt die wassersucht, sonderlichen in der specie, die man nempt timpaniten, dann ir leib was ir nit anders, dann als ob es ein hart gespanne trommen were. Man het vil rath darüber bei den arzten, die auch iren möglichen fleis thetten. So war
ir dochter, die grefin von Zollern, auch bei ir, also das an aller wart und was man dozumal thon konte, nichs wardt underlasen. Aber ich glaub, wann die stundt da sei oder das der allmechtig ein mentschen zu sich welle berüefen, so helf nichs, man mach gleich, was man welle, und hab
darfür, das sie es umb Got mit irem vilfeltigen gebet erworben, das er sie nit lenger welle leben lasen; dann sie etliche jar vor irem absterben nichs mehrers gewinscht oder begert, dann ir ende. Darzu fieng es sich an zu schicken; dann als die arzet uf die wasersucht handleten, erzaigt sich
unversehenlich ein apostema. Dieweil dann an der wartung und allem fleis nichs manglt, het man sich billich bösserung söllen versehen, aber es bösert sich teglichs. Derhalben
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 1. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_001.jpg&oldid=- (Version vom 12.4.2018)
