|
Froben Christoph von Zimmern: Zimmerische Chronik. Band III. Herausgegeben von Karl August Barack. |
|
|
war dozumal sein keller im schloß, dergleichen den alten pfaffen, genannt herr Hanns Weingeber, von dem in dieser historia vil seltzamer schwenk gesagt worden. Von denen wolt er haben, das sie im zu zeiten und under tags, so der
doctor nit bei der handt, unaufhörlich was sagen solten. Das beschach nun, so vil müglich. Der ain sagt im was von Frankreich, der ander user dem Niderlandt, der drit user Ungern und Sibenbürgen, [862] der das, der ander ain anders. Dieweil aber solche schwarz compania etliche tag
an ainandern weren thette, do gieng inen die abentür dermasen auß, das sie zu zeiten die materias von newen dingen widerumb muesten anfahen. Aber in solchen fahl kam inen der medicus abermals zu hilf, sagt, solt vilem geschwetz nit iederzeit zuhören, dann das haupt dardurch geschwecht und
volgends das gemüet zerstört würde. Iedoch bracht in der doctor letstlichen zimlicher und leidenlicher weis wider zu recht, dermasen, das er wider zu gueter vernunft kommen und seine sachen bösser und statlicher hat künden bedenken, dann im etlich seiner verwandten und nachpuren haben
gegunet, wie hernach an gepürendem ort volgen wurt. Und wiewol er hernach vermaint hat, im sei vergeben worden, iedoch so ist sein krankhait oder die ursach derselbigen, wie ich domals warhaftigclichen von seim arzet vermerkt, auch sonst selbs user natürlichen ursachen abnemmen
künden, ime allain user vilem und zu vil überflissigem geprauch des werks der liebe, wie das die arzet und die gelerten nennen, begegnet und zugestanden, wie wir dann bei unsern zeiten das oftermals geschehen sein wol wissen, auch hievor vilmals beschehen ist. Dann user was ursach ist bei unsern
zeiten grave Albrecht von Hochenloe, dergleichen der elter herzog von Orsgot[1] sonst mit todt vergangen, under denen der ein tags unversehenlich mit dem grösern schlag, apoplexia genant, getroffen umbgefallen und gleich todt ist gewesen? der herzog aber, nachdem er ein jungs weib, ein
herzogin von Lottringen und mit ursachen[2] sich verursacht, ist er todt am bet gefunden worden. Dergleichen ist ein kleins vor unsern zeiten grave Otto von Solms, dem des lantgrafen Philipsen mueter, ain herzogin von Mechelburg, vermehelt, auch schenk Christoffen von Limpurg, der ein
Froben Christoph von Zimmern: Zimmerische Chronik. Band III. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1881, Seite 410. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_3_410.jpg&oldid=- (Version vom 12.4.2018)
