|
Froben Christoph von Zimmern: Zimmerische Chronik. Band II. Herausgegeben von Karl August Barack. |
|
|
grave Haugen aus zulassen des churfürsten auf hernach volgende mainung: »Wolgeborner, sonder herr und freundt und gnediger herr! Euch und Ewern Gnaden seien unser freundtlich, willig dienst allezeit zuvor. Uns haben die wol
gebornen herr Wernher und herr Johanns Wernher, gebrüedere, freiherrn zu Zimbern, von iren selbs und iren geschwistergiten wegen fürbracht, wie ir inen und denselben unverschuldter, unurgefechter ding, wiewol sie under irn vogtbarn jharen und euch mit sipschaft verwandt, desshalb
sie sich pillich hilf, raths und gueter freundtschaft und kains argen zu euch versehen sollten, des iren, das inen zum thail geben und verordnet, auch zum thail an sie geerbt, sie entsetzt, eingenomen und underzogen haben und auf disen tag wider alle pillichait fürhalten, mit berichtung aller handlung,
die iezo zu schreiben ohne nott, dann es euch wol wissendt ist. So nun genannte herren von Zimbern an unsers gnedigesten herren, des pfalzgrafen, hove auferzogen, unser herren, freundt, mithofegesündt und guete gesellen, sich auch gegen uns also gehalten, das wir inen ganz zu aller
freindtschaft und guetem genaigt seind, so pitten wir euch freundtlich und dienstlich, das ir handt abthon, inen und iren geschwistergiten das ire förderlich unverhündert mit dem aufhab zustellen und volgen lassen. Das wellen wir freundtlich und underthenigclich verdienen; dann sollte sollichs nit
geschehen und inen das ir lenger mit gewalt fürgehalten werden, so wurden wir inen, des und der pillichait von euch zu bekommen, unser hilf, rath und beistandt trewlichen nach unserm vermegen mitthailn und sie nit verlassen. Das wolten wir euch im pesten nit verhalten, darnach haben euch zu
richten. Datum under unserm, Hannsen von Drat und Stefan von Adelzheim, insigel, dero wir, die andern, diser zeit nit gebrauchen, auf Conversionis Pauli anno 1497.« Und seind dise die herren, [309] ritter und vom adel, die sich in solcher missif genembt und underschriben, nämlichen herr Christof
freiherr zu Schwanenberg, Hainrich freiherr zu Schwarzenberg, Hanns von Dratt, ritter, marschalk, Jörg von Eblingen, ritter, Wilhelm von Leonstain, Phillips und Hartman Stumpfen von Schwanberg, Stefan von Adelheim, Conradt von Veningen, Bastion von Newhausen, Hanns Forstmaister,
Friderrich von Flershaim, Jörg Fuchs, Jerg vom Pach, Jörg Rauschner, Johann von Seckendorf, Eberhart von Rossen, Petter von Erenberg, Wolf Rauch, Thoman Roderer, Martin
Froben Christoph von Zimmern: Zimmerische Chronik. Band II. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1881, Seite 3. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_2_003.jpg&oldid=- (Version vom 12.4.2018)
