|
Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit |
|
|
confisi per totam Germaniam et Galliam ac terras adiacentes eisdem auctoritate nostra regia ac per totum nostrum comitatum Lutzillimburgensem tamquam comes eiusdem tibi vices nostras generaliter et specialiter committendas duximus et committimus per presentes.
(I) Dantes et concedentes tibi tenore presentium plenam et liberam potestatem per dictas regiones et terras merum et purum imperium per te vel alios exercendi, beneficia ecclesiastica cum cura vel sine cura, etiam si dignitates aut personatus fuerint, ad regiam seu imperialem celsitudinem iure ordinario aut alio quovis iure vel consuetudine collationem seu disposicionem spectancia personis, quas ydoneas reputaveris, conferendi et de ipsis providendi, privilegia quoque perpetua et temporalia personis et locis concedendi et de novo dandi et data et concessa innovandi, approbandi et confirmandi, fructus, redditus et proventus ac iura nobis aut fisco nostro quomodocumque obvenientes aut cedere debentes tollendi et exigendi et de omnibus et singulis, que receperis, finem et quitacionem regio ac comitatus nostri predicti nomine totaliter faciendi, causas et[iam] quascumque tam simplicium querelarum quam appellacionum ad nos vel ad te tamquam vices nostras gerentem interpositarum vel interponendarum inter quoscumque subditos nostros tam ecclesiasticos quam seculares, etiam si pontificatus dignitate aut principatus honore decorentur, nostra auctoritate audiendi, decidendi et terminandi et in ipsis secundum legittimos tramites aut secundum consuetudinem curie nostre regie sive tue aut alias summarie, simpliciter et de plano ac sine strepitu et figura iudicii, prout secundum personarum qualitatem et causarum naturam videris expedire, ratione previa procedendi, crimina, excessus et defectus inquirendi et corrigendi, mulctas, banna et penas, ubi expedire videris, imponendi, decreta quoque, que super transactione alimentorum ac alienacione rerum ecclesiasticarum et minorum secundum iusticiam petuntur, interponendi et cum illegittime natis ad honores et bona temporalia dispensandi, ad famam et honores infamatos quoslibet restituendi, tutores etiam et curatores dandi et removendi necnon beneficium restitucionis in integrum maioribus et minoribus, ubi hoc secundum iura concedendum fuerit, imperciendi aliaque faciendi et expediendi, que circa hec fuerint oportuna.
(II) Concedimus tibi insuper et damus plenum mandatum et liberam similiter potestatem, quod vice et nomine nostro possis a prelatis, … principibus, … comitibus, … baronibus, nobilibus aliisque personis tam ecclesiasticis quam secularibus, cuiuscumque gradus, status aut condicionis existant, necnon a civitatibus et universitatibus quibuscumque fidelibus nostris sive ratione Romani nostri regni quoad dictas regiones et partes sive dicti comitatus nostri Lutzillimburgensis recogniciones feodorum requirere, exigere et recipere cum fidelitatis seu homagii iuramento et cum obsequiis in talibus feodis debitis de consuetudine vel de iure ipsosque de eisdem feodis sic recognitis investire cum solempnitatibus etiam debitis et consuetis ac vacancia feoda inpresenciarum vel que in posterum vacabunt bene meritis de novo conferre et tales, quibus contuleris, investire similiter de eisdem; necnon quod possis a … vasallis et fidelibus ac servitoribus nostris quibuscumque debita et consueta servicia et receptaciones insuper in castris et municionibus nostris ligiis vel aperibilibus nobis et Romano regno seu imperio et in comitatu nostro Lutzillimburgensi predictis, scilicet quod per te et alios in eisdem nostro nomine recipiaris tibique vice nostra pro receptione huiusmodi aperiantur, exigere et petere ac illos, qui huiusmodi castra tenent, necnon super hiis quoscumque, cuiuscumque status vel preeminencie fuerint, nobis ratione amiciciarum, unionum vel ligarum aut alias qualitercumque ad auxilia vel obsequia obligatos super hiis requirere, interpellare, monere et, si opus fuerit, valeas cohartare.
(III) Item damus tibi plenam ut supra potestatem … principes, … nobiles et alios quoscumque ad nostri culminis obedienciam et fidelitatem inducendi et attrahendi eosdemque ad assistendum nobis et tibi contra … inimicos nostros et tuos, ubi hoc nobis
Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit.Tübingen: Verlag von J.C.B. Mohr (Paul Siebeck), 1913, Seite 189. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zeumer_V2_189.jpg&oldid=- (Version vom 11.7.2016)
