Seite:De Zeumer V2 169.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit

habentes super hoc ab ipso domino archiepiscopo plenam et liberam potestatem, consentimus in illustrem principem dominum Fridericum ducem Austrie et Styrie ipsumque nomine, quo supra nominamus, eligendum in regem Romanorum in imperatorem promovendum.‘

’Nos Rudolfus dux Saxonie consentimus in illustrem principem dominum Fridericum ducem Austrie et Styrie ipsumque nominamus eligendum in regem Romanorum in imperatorem promovendum.‘

5. Quibus legittime sic peractis nos Rudolfus comes Palatinus predictus de voluntate et mandato speciali dictorum coelectorum nostrorum et cuiuslibet eorumdem dominum Fridericum ducem Austrie et Styrie elegimus in hunc modum:

’In nomine Patris et Filii et Spiritus sancti. Cum vacante regno seu Romano imperio per mortem clare memorie domini Heinrici quondam Romanorum imperatoris incliti, vocatis qui fuerant evocandi super electione regis Romanorum facienda, dies certa apud Frankenfurd esset ad hoc prefixa, placuit nobis et dictis coelectoribus nostris iuxta ipsius diei prefixionem factam ad electionem procedere futuri regis Romanorum, aliis coelectoribus nostris ipsa die diucius expectatis et legittime eligere nobiscum non curantibus, inquisitis votis nostris et dictorum coelectorum nostrorum in ipsa electione, apparet nos, apud quos tunc resedit potestas seu ius eligendi personam ydoneam in regem Romanorurn, concorditer direxisse vota nostra in illustrem principem dominum Fridericum ducem Austrie et Styrie in eundem consentiendo et ipsum nominando in Romanorum regem in imperatorem promovendum. Idcirco nos Rudolfus comes Palatinus predictus vice nostra et domini Heinrici Coloniensis archiepiscopi predicti ac aliorum dictorum coelectorum nostrorum nobiscum consenciencium in hac parte ex potestate nobis tradita et concessa ab eisdem, invocata Spiritus sancti gracia, dominum Fridericum ducem Austrie et Styrie predictum eligimus in regem Romanorum in imperatorem promovendum, in advocatum sacrosancte Romane ac universalis ecclesie ac defensorem pauperum, viduarum, pupillorum et orphanorum.‘

Qui electus huiusmodi electioni canonice de se facte, divine nolens resistere voluntati, interpellatus super hoc a nobis cum diligencia magna consensit.

6. Quapropter sanctitati vestre cum devocione qua decet voce unanimi supplicamus, ut ipsum dominum Fridericum sic devote et canonice electum paternis pietatis vestre brachiis amplectentes electionem huiusmodi canonicam de ipso a nobis factam solita clementia approbare, ipsum inungere et consecrare sibique de sacrosanctis manibus vestris sacri imperii dyadema dignemini favorabiliter impertiri loco et tempore oportunis.

Ceterum, ut beatitudo vestra cognoscat evidencius premissa omnia vera esse, presens electionis nostre decretum sanctitati vestre transmittimus cum sigillorum nostrorum, videlicet Rudolfi comitis palatini Reni ducis Bawarie necnon Rudolfi ducis Saxonie predictorum appensione ex certa sciencia roboratum. Nos vero Heinricus Dei gracia Boemie et Polonie rex dux Karinthie, quia sigillum nostrum hac vice penes nos non habuimus, sigillis predictorum … ducum Bawarie et Saxonie usi sumus et contenti in testimonium et evidenciam omnium premissorum.

Actum et datum loco, die et anno predictis.

B. Wahldekrete für Ludwig den Baiern. - 1314, Okt. 23.

MG. Const. V, Nr. 102, 103, S. 98 ff.

Ich gebe den Text des von Balduin von Trier und den weltlichen Kurfürsten ausgefertigten Exemplars und füge die bedeutenderen Abweichungen des Mainzer Exemplars (M) unter dem Texte an. Die noch in München aufbewahrten Originale sind nie in den Besitz der Kurie gelangt.

In nomine Domini amen.

Sanctissimo ac beatissimo in Christo patri ac domino domino sacrosancte Romane

Empfohlene Zitierweise:
Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit.Tübingen: Verlag von J.C.B. Mohr (Paul Siebeck), 1913, Seite 169. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zeumer_V2_169.jpg&oldid=- (Version vom 31.7.2018)