Seite:De Zeumer V2 100.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit

Nr. 79. (73). Vertrag des Markgrafen von Brandenburg mit dem König von Böhmen über die Königswahl (Auszug). — (1261, Dez.).

MG. Const. II, Nr. 463, S. 636.

Nos Otto Dei gracia marchio Brandenburgensis universis constare cupimus presencium per tenorem, quod .... cum karissimo genero nostro [domino Wencezlao] serenissimo Bohemie rege perpetuam et mutuam amiciciam unanimiter decrevimus et promisimus observare adinvicem bona fide, corporali super hoc prestito iuramento. — Ceterum proposita nostra ad explendam amiciciam nostram circa sepedictum regem continua fidelitatis tenacitate firmantes spondemus sub fide prestiti iuramenti, quod in eleccione Romanorum imperatoris Alemanie regis secum habere disposuimus concordem et unanimem voluntatem, ponentes in hoc, quod ipse ponit, et tollentes, quod non vult, ut in hoc et in aliis negociis suis pariter atque nostris una sit voluntas mencium et exsecucio et accionum. —

Nr. 80. (74). Entwurf der Bulle Urbans IV. (Qui celum) mit Ausführungen über das Recht der Königswahl (Auszug). — 1263, (c. Aug. 27).

(Die Darlegungen der Gesandten König Richards über die anerkannten Gewohnheiten bezüglich der Königswahl dürften auf verlorenen Reichsweistümern, die auf seine Veranlassung gefunden waren, beruhen.)

MG. Const. II, Nr. 405, S. 523 ff. — Die hier ausgelassenen Partien finden sich auch in der ausgefertigten und registrierten Fassung der Bulle MG. Epist. saec. XIII, Nr. 560 I, S. 545 ff.

Ricardo in Romanorum regem electo.

(1) Qui celum terramque regit, is nimirum celi novit ordinem.

(5) Et quidem venerabilis frater noster Laurentius episcopus et dilecti filii Willelmus archidiaconus Roffensis ac Robertus de Baro, procuratores et nuntii tui a te plenariam potestatem habentes, ut in nostro consistorio tua proponerent negotia et peterent cum sollempnitate qua conveniret vocationem tuam sollempniter ad coronam ac universa et singula circa hec gererent, agerent fideliter ac procurarent, que per veros nuntios ac procuratores ad hoc specialiter deputatos legittime possent agi, peti ac etiam procurari, coram nobis et eisdem fratribus proponere curaverunt quasdam consuetudines circa electionem novi regis Romanorum in imperatorem postea promovendi apud principes vocem in huiusmodi electione habentes, qui sunt septem numero, pro iure servari et fuisse hactenus observatas a tempore, cuius memoria non existit. (6) Secundum quas infra annum et diem, postquam vacat imperium, talis debet electio celebrari, quacumque parte ipsorum anni et diei, quam ad hoc iidem principes duxerint deputandam. Et ad archiepiscopum Maguntinum et comitem palatinum Reni vel ipsorum alterum, altero nequeunte vel forsitan non volente, pertinet ad electionem ipsam celebrandam diem prefigere ac ceteros electores principes convocare. Quibus omnibus vel saltem duobus ex ipsis die prefixa convenientibus apud opidum de Frankeneford, intus vel extra ipsum opidum, in terra que dicitur Frankeserde — loca quidem ad hoc deputata specialiter ab antiquo — ad electionem ipsam procedi potest et debet secundum morem ipsius imperii approbatum. Et electione taliter celebrata electus, si electioni consenserit, ante Aquisgrani per dies aliquos facta mora, infra annum et diem post celebratam electionem eandem, quando electus voluerit, per Coloniensem archiepiscopum, ad quem id ex officio suo spectat, inungitur, consecratur et etiam coronatur. Quo facto cuilibet via precluditur contra electionem vel electum, iam regem Romanorum effectum, dicendi

aliquid vel etiam opponendi: sed idem electus predicto modo inunctus, consecratus

Empfohlene Zitierweise:
Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit.Tübingen: Verlag von J.C.B. Mohr (Paul Siebeck), 1913, Seite 100. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zeumer_V2_100.jpg&oldid=- (Version vom 31.7.2018)