|
Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit |
|
|
edicto inbibemus et hanc nostram constitutionem presente privilegio aurea excellentiae nostræ bulla insignito corroboramus autentice, testibus annotatis qui huic facto interfuerunt. Sunt autem hii: Arnoldus Treverensis archiepiscopus, Wigmannus Magdeburgensis archiepiscopus, Cunradus Salisburgensis archiepiscopus, Sifridus Bremensis electus, Cunradus Warmatiensis episcopus, Rudulfus Leodiensis episcopus, Bertrammus Metensis episcopus, Arnoldus Osnaburgensis episcopus, Cunradus abbas Fuldensis, Adolfus abbas Hersfeldensis, Lotarius prepositus Bunnensis, Ludewicus palatinus Saxoniæ et langravius Thuringiæ, Bernhardus dux Westfaliæ et Angariæ, Gotefridus dux Lotaringiæ, Fridericus dux Suewiæ, Otto marchio de Brandenburc, Teodericus marchio de
Lusiz, Dedo comes de Groix, Sifridus comes de Orlamunde, Rubertus comes de Nassawe, Emicho comes de Liningen, Engelbertus comes de Monte, Teodericus comes de Hostate, Gerardus comes de Nurberc, Heinricus comes de Arnisberc, Hermannus comes de Ravinisperg, Heinricus comes de Kuc, Wernherus comes de Witinchinstein, Widikindus de Waltecke, Fridericus de Anfurde, Hartmannus de Butingin, Wernherus de Bonlande, Conradus pincerna, Heinricus marscalcus de Bappinheim, Sibodo de Groix camerarius et alii quam plures.
Signum domini Friderici Romanorum imperatoris invictissimi (M).
Ego Gotefridus imperialis aulæ cancellarius vice Cristiani Maguntinæ sedis archiepiscopi et Germaniæ archicancellarii recognovi.
Acta sunt hæc anno dominicæ incarnationis M°C°LXXX°, indictione XIII°, regnante domino Friderico Romanorum imperatore invictissimo, anno regni eius XX°IX°, imperii vero XX°VI° feliciter. Amen.
Datum in sollempni curia Geilinhusin, in territorio Moguntino, Idibus Aprilis.
In nomine Domini. Dum Henricus comes de Tirol rogaret venerabilem dominum Albertum Tridentine sedis electum, quatinus eum in colle uno, qui est in monte supra villam Selsi, castrum edificare permitteret, et ipse dominus Albertus electus denegans hoc penitus, dicens sibi, quod non permitteret, veniens idem comes ante presentiam illustrissimi Federici imperatoris invictissimi semperque augusti ipsum rogavit inquirere laudum unum super hoc, scilicet ut si in comitatu suo castrum sine contradictione edificare posset, an non? Ibique incontinenti assurgens prememoratus dominus Albertus electus e contra peciit a prememorato domino imperatore, ut super hoc laudum fieri faceret, dicens videlicet: Postquam predictus collis est situs in eo comitatu, qui est communis inter me et predictum comitem, si in eo absque mea volunptate et consensu castrum edificare possit, an non? Super quam interrogationem prefatus dominus imperator interrogavit dominum Ottonem falsegravium, ut laudaret, quid iuris esset? Qui laudavit dicens: Ubicumque duo comites unum comitatum inter se comunem habent, unus eorum sine altero in eodem comitatu Castrum construere non potest.
Factum est hoc laudum Achenou in camera iam dicti domini imperatoris, nullo contradicente, in presentia Henrici et Odolrici comitum de Piano, Adelperii de Burgus Rupretti de Stilfs, Swikerii et Outi de Montealbano, Odolrici et nepotis eius Odolrici de Arcu, Ottonis et Kallochi de Winec, Henrici de Salee, Ribaldi de Cagnano, Alberti de Ripa, Trintinelli, Perati, Triutseni de Rambaldo, Federici Scanci, Henrigiti de Tridento, Amelrici de Civigano, Tulleni, Gerardi de Pesena.
Anno dominice nativitatis millesimo centesimo octuagesimo quarto, die Iovis decimo septimo exeunte Marcio, ind. secunda.
† Ego Albertus domini Federici imperatoris invictissimi notarius isto laudo interfui et exinde hoc instrumentum scripsi.
Karl Zeumer: Quellensammlung zur Geschichte der Deutschen Reichsverfassung in Mittelalter und Neuzeit.Tübingen: Verlag von J.C.B. Mohr (Paul Siebeck), 1913, Seite 23. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zeumer_V2_023.jpg&oldid=- (Version vom 18.8.2016)
