Seite:De DZfG 1890 04 338.jpg

	Verschiedene: Deutsche Zeitschrift für Geschichtswissenschaft

A jugo barbarico eris liberata,
Si regi proveniant longiora fata!

49.

Orbis factus malleus Grecos superabit,

Sarracenos destruet, Indis imperabit,
Fallaces hereticos^{[x 1]} rex exterminabit
Convertet scismaticos^{[x 2]}, crucem exaltabit!

50.

Fidem dant^{[x 3]} probabilem nobis multa signa,

Quod in regis tempore fiet sic benigna
Omnis generatio, quod ad crucis ligna
Adoranda veniet dona ferens digna.

51.

Hec duo candelabra mundi luminosa

Conservet diucius virgo gloriosa!
Non loquar ulterius, terminetur prosa
Ne verbi prolixitas fiat onerosa^{[x 4][x 5]}.

---

1.

Letum carmen aro, quoniam de principe claro,

Ecclesie caro, grata reffere paro!
Lux tenebras demens rege carmina! Suscepit Clemens
Papa pater Clemens impia facta premens.

2.

Qui patrum pater es, Petri sanctissimus heres

Sic sacris heres, quod sacra dona feres^{[x 6]}.
O pia virtutis domus, doctrina salutis
Est tua pollutis immaculata cutis.

3.

More nitet solis virtutibus insita solis

Mens tua. Digna polis evacuata dolis,
Justa foves, odes injusta, juvantia prodis.
Justis custodis celica jussa modis,

4.

Sacra doces, oras dominum, dum crimina ploras.

Fletibus irroras ora, trahendo^{[x 7]} moras
Tu qui jura regis. Audi preconia regis!
Fulget^{[x 8]} legis gemma, lucerna gregis.

5.

Est facie letus Carolus, pius, ore facetus,

Audax, discretus, factus in orbe metus,
Gloria Francorum, via pacis, luma^{[x 9]} malorum
Justus justorum laudat ubique chorum

6.

Rex gratis gratus, grata pro pace vocatus

Munit ut iratus hostibus ense latus.

Anmerkungen (x)

1. Cod.: heriticos.
2. Cod.: cismaticos.
3. Cod.: dat.
4. Cod.: honerosa.
5. Cod. p. 108.
6. Cod. p. 109.
7. Cod.: traendo.
8. Cod. F – – –
9. Cod.: luna.

Empfohlene Zitierweise:
Verschiedene: Deutsche Zeitschrift für Geschichtswissenschaft. Freiburg i. Br.: Akademische Verlagsbuchhandlung von J. C. B. Mohr, 1890, Seite 338. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_DZfG_1890_04_338.jpg&oldid=- (Version vom 13.10.2022)