Seite:De DZfG 1890 04 335.jpg

	Verschiedene: Deutsche Zeitschrift für Geschichtswissenschaft

20.

Blasphemantes^{[x 1]} increpat, falsos vilipendit,

Obstinates devovet, gentiles offendit,
Commendat sollicitos, vagos reprehendit
Mundana vituperat, divinis intendit.

21.

Subfragatur orphanis, pupillos tuetur

Et afflictis condolet, infirmis medetur,
Blasphemat sacrilegos, sanctos reveretur^{[x 2]},
Exstirpatur heresis, fides promovetur.

22.

Fides suo tempore sortitur augmentum,

Augetur felicitas, cessat nocumentum.
Propter sue fertilis lingue documentum
Suscipit ecclesia veri suplementum.

23.

Corruscat in legibus, fulget in virtute,

In scripturis pullulat, nec curat de cute,
Suam ponens animam gregis pro salute
Ab hostili liberat oves servitute.

25.

Hic est arca federis, honestatis lumen,

Aula sapiencie, doctrine volumen,
Petra fortitudinis, pietatis flumen,
Quapropter assumptus est ad Petri cacumen.

25.

O quam pastor inclitus, qui sic pascit digne

Gregem sibi subditam, o quam vas insigne,
Quod totum accenditur caritatis igne,
Oves novit debiles tractare benigne.

26.

Sub cuius presidio mundus universus

Pacis gaudet commodo, perit vir adversus,
Luctus est in citaram omnino conversus,
Absorbetur odium, livor est submersus.

27.

Sancte pater meritis operum vestrorum

Nitet stella fulgida, flos christianorum,
Illustris rex Carolus, decus Gallicorum,
Princeps militancium, terror impiorum.

28.

Inter mundi principes dico probiorem

Istum Christi militem, qui pati laborem
Non timet, nec gladii sentire furorem,
Ut matris ecclesie deffendat honorem.

29.

Cum in manu fuerit regis ensis strictus^{[x 3]},

Quis suos terribiles expectabit ictus?
Cum a suis hostibus est magis afflictus,
Minus hostes dubitat sicut vir invictus.

Anmerkungen (x)

1. Cod.: Blassemantes.
2. Cod. p. 105.
3. Cod. p. 106.

Empfohlene Zitierweise:
Verschiedene: Deutsche Zeitschrift für Geschichtswissenschaft. Freiburg i. Br.: Akademische Verlagsbuchhandlung von J. C. B. Mohr, 1890, Seite 335. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_DZfG_1890_04_335.jpg&oldid=- (Version vom 13.10.2022)