Seite:De DZfG 1890 04 333.jpg

	Verschiedene: Deutsche Zeitschrift für Geschichtswissenschaft

Pax devoto populo datur sempiterna,
Lux redit, in tenebris panditur lucerna.

2.

Sol in terris oritur, surgit nova stella,

Juris et justicie plantula novella,
Tolluntur dispendia, pacis fluunt mella,
Prestatur trancquillitas et sedantur bella.

3.

Evanescit servitus, redditur libertas,

Fovetur inopia, ditatur paupertas,
Procedentes impii per vias incertas
Tabescunt et fugiunt ad plagas desertas.

4.

Sordet idolatria, vernat fides recta,

Exspirat^{[x 1]} ypocrisis, anullatur secta,
Sub pede conteritur falsitas^{[x 2]} detecta,
Veritas expanditur, probra sunt abiecta.

5.

Preparatur requies, sepelitur pena,

Meror obit, gaudia respirant amena.
Exsurgit^{[x 3]} mundicia, pereunt obscena^{[x 4]}
Rapina prosternitur, adoptans^{[x 5]} aliena.

6.

Conculcatur pravitas, lucescit honestas,

Ventose superbie declinat potestas.
Accedit temperies, fugatur tempestas,
Yems fugit aspera, dulcis venit estas.

7.

Moritur impietas, vicium marcescit^{[x 6]}.

Conservatur racio, facinus^{[x 7]} decrescit^{[x 8]}
Jesus Christus venditus^{[x 9]} victor ylarescit,
Judas victus venditor dolore languescit^{[x 10]}.

8.

Quis, nisi sit reprobus, aram inhonestat,

De qua sumit pabulum, cuius signa gestat?
Talis suis subditis argumentum prestat,
Quod sacrificabitur^{[x 11]}, qui deum infestat.

9.

O quam parum cogitat ille de beatis,

Per quem sic offenditur auctor bonitatis!
Incidit in crimina lese majestatis;
Ob quam rem, ut meruit, fleat de peccatis.

10.

Posset infidelitas umquam major esse

Falsis^{[x 12]} sacerdotibus, quam illis obesse,
Quibus multifarie fingunt se prodesse?
Talibus ut scandala fiant, est necesse.

Anmerkungen (x)

1. Cod.: expirat.
2. Cod.: falcitas.
3. Cod.: exurgit.
4. Cod. p. 103.
5. Cod.: .. optans.
6. Cod.: marcessit.
7. Cod.: .. cinus.
8. Cod.: decressit.
9. Cod.: venditur.
10. Cod.: languessit.
11. So wird zu verbessern sein statt sanctificabitur des Cod.
12. Cod.: Falcis.

Empfohlene Zitierweise:
Verschiedene: Deutsche Zeitschrift für Geschichtswissenschaft. Freiburg i. Br.: Akademische Verlagsbuchhandlung von J. C. B. Mohr, 1890, Seite 333. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_DZfG_1890_04_333.jpg&oldid=- (Version vom 13.10.2022)