|
unbekannt: Datt högeste unde öldeste water recht |
|
|
vnd warnenden schipman dre mal tho vören er he ene vth dem schepe hete ghan / Is yd sake dat de schipman den twyst vnd mysdadt büth tho beteren tho des schipmans seggent van der tafellen/ Is den de Schipper so auermödich dat he yd dar nicht wyl by bliuen laten / vnd heth den schipman vth dem schepe ghan / so mach hee dem schepe nauolgen dar dat lossen schal / dar suluest schal he so gude hüre entfangen / gelick were he in dem schepe stedes gewest / vnde ßo verne he ock de vndadt gebetert hadde.
¶ Were ydt ock sake dat de Schipper also guden schipman nicht en hürede in syne stede als he was / vnd yennigerleywys dem schepe edder den güderen schaden an qweme / so were de Schipper plichtich vnd schüldich all den schaden vp tho richten / hefft he anders so vele dar he mede betalen kan.
Item Yd begyfft sick dat ein Schip licht in eyner hauen gemeret myt Touwen / vnde eyn ander schip kumpt mnyt ghetynge unde sleyt an dat schip dat dar gemeret licht/ ßo dat van deme slage den dat eine schip dem
unbekannt:Datt högeste unde öldeste water recht. Lübeck: Jurgen Richloff, 1537, Seite 18. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_18.jpg&oldid=- (Version vom 18.8.2016)
