|
Diverse: Codex diplomaticus Anhaltinus/Band 3 |
|
|
goddeshuse up ander half het ghededynghet de ersame vorste unse herre ertzebisscop* Otte tü Magdeburch, alse hirna bescreven stet, um allen crich, de twisschen uns und deme- selven bysscop Albrecht und syme goddeshuse werrende is, dat we hebben ghekorn scheydelude und enen overman an beyder syt. Unse schedelude scollen wesen de er- baren vorsten hertoghe Rudolf van Sassen unse büle, greve Albrecht van Anhalt unse swagher, unde desselven bisscop Albrechtes schedelude scollen wesen her Jakob de dümdeken tü Halberstad, her Vülrad van Hesnum dümherre darsylves. We scollen an beyder syt unser iowelk syne sake unde scülde bescreven gheven synen schedeluden twysschen hir unde Palmen, unde unser beyde schedelude scollen de sake und scülde uppe densylven Palmdagh hern Arnde Stamern deme groten antworden uppe dat hus tü Alden-Ghatersleve, unde wen her Arnd de bryve beyde het, so scal he unse sake unde scülde senden dem vorghenanten bysscoppe van Halberstad. So scal unser iowelk tü des andern saken unde scülden antworden und scüllen de antworde myt den saken unde sculden beseghelt antworden malk synen schedeluden. De schedelude scollen myt den bryven tü Magdeburch inriden des neysten mandaghes na Quasimodogeniti vor den overman, unsen herren van Magdeburg. Wes de schedelude darover endraghen na vrunt- scop oder na rechte, dat scal vorghank hebben. Were aver dat se syk tweyeden an: der vruntscop oder an deme rechte, so scolde iowelk na saken unde sculden unde na antworde en recht spreken uppe synen eyt unde gheven dat beseghelt dem overmanne. De schedelude scollen ock ut der vorghenanten stat nicht ryden, se en hebben syk ghe- ledeghet, alse hir vor bescreven steyt. Wat de schedelude brechten an den overman, dat scolde he untscheyden mit vruntschop na unser beyder willen, af he mochte, eder myt rechte hynnen enem verndel iares darna, als id an en ghebracht würde. Wes disse schedelude syk vereynden endrechtliken, des se uns besekghen eder de overman, darvore hebbe we ghesat Schandesleve, hus unde stat, unde wat dartü hord, dat we dat bynnen achte weken darna wederdön. Dit vorghenante pant scal innemen de overman unse herre van Magdeburch unde scal dat antworden hern Arnde Stameren deme groten,. de scal dat halden tü des overmannes hant. Dit vorbenomde pant scal unse opene hus- syn tü usen nöden, dewyle dat man dat nicht wech antwordet, alse vor bescreven is. We scollen ock desylven vesten dewyle bekosteghen. We hebben ock ghelovet en truwen deme overmanne unde hern Arnde Stameren tü des overmannes hant unde loven in dissem bryve, dat we dewyle tü deme slote und dat dartü hord, nicht arghes keren, unde wes we beseyt wurden van den schedeluden eder van dem overmanne, de vor- ghenant syn, alse dar vore bescreven steyt, des scolde we unse pant ledeghen bynnen achte weken vor dem overmanne tü Magdeburch. Dede we des nicht, so scolde de overman dat pant antworden dem bysscope van Halberstad, de scolde dat pant halden alse langhe, went eine, wederdan wurde. Wen ock eme wederdan wurde, so scolde he uns unse pant weder antworden. We muten ock wol manen tü dem pande, of we wyllen. Alle gevanghen, de reysich syn, de in dissem orleghe, dat we myt dem bysscop van Halberstad, myt synen hülperen unde myt synen deneren nü ghehat hebben, ghe- vanghen syn, scollen dagh hebben up sante Walburgas dagh, de nü kümpt. Kamman. bynnen des los ghescheppen dem bysscope van Halberstad syne ghevanghen, de he unde syne hulpere unde denere in dissem orloghe vorkirn hebben, so scollen de anderen ghevanghen ock alle los syn, de we unde unse hulpere unde denere vorlorn hebben in dissem orloghe. Ock scollen de schedelude unde de overman alle stükke untscheden,
Diverse: Codex diplomaticus Anhaltinus/Band 3. Dessau: Emil Barth, 1877, Seite 511. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_511.jpg&oldid=- (Version vom 31.7.2018)
