|
Diverse: Codex diplomaticus Anhaltinus/Band 3 |
|
|
1336. September 8. Brandenburg. Bischof Ludwig von Brandenburg bestätigt dem Marienaltare in der Capelle der Bartholomäikirche zu Zerbst zum Besten der dortigen Kalandsbrüder Besitzungen und Einkünfte zu Gross-Lübs und Mecteren.
In nomine Domini amen. Ne ea, que aguntur in tempore, simul cum lapsu tem- poris evanescant, restat, ut scripturarum testimonio ac firmitate testium roborentur. Nos igitur Ludewicus Dei gracia Brandeburgensis ecclesie episcopus recognoscimus et ad universorum tarn presencium quam futurorum noticiam cupimus devenire, quod ad laudem et gloriam omnipotentis Dei et gloriose virginis Marie, pie devocioni discretorum virorum dominorum Johannis de Louburch et aliorum fratrum Kalendarum in Cerwist succurrere cupientes, de unanimi consensu et expressa voluntate honorabilium virorum dominorum Theodrici prepositi, Wilhelmi prioris ac tocius nostre ecclesie capituli ad dotacionem altaris Capelle beate Marie virginis Site in ecclesia sancti Bartolomei in Cerwist pro salute anime nostre, progenitorum ac predecessorum nostrorum dedimus, donavimus presentibus et donamus proprietatem duarum curiarum cum dimidia Sita in villa Magna Lubas et trium mansorum minus uno quartali sitorum in pago dicte ville et sex curiarum kotzatorum cum omni iure solvencium annis singulis viginti duos mo- dios tritici, duos modios ordei et unum avene, item alterum dimidium chorum avene maioris mensure, triginta solidos Magdeburgensium denariorum minus sex denariis et
duodecim pullos. Quas curias, mansos, annonam, denarios et.....1 idem dominus
Johannes antedictus pro remedio anime sue eo modo, quo ipse et Busso Gruelhut1 pre- fata bona hactenus possederunt8, ad dotacionem dicti altaris procuravit annecti cum omnibus suis libertatibus racionabiliter et apponi. Nos eciam ob salutem anime nostre ac progenitorum nostrorum unum chorum siliginis situm in villa Mecteren prefato altnri cum omni iure et proprietate damus et concedimus de consensu nostri capituli presen- tibus et donamus ita, quod rector sepedicti altaris, qui pro tempore fuerit, prefatos redditus tarn in villa Lubas quam in villa Mecteren annis singulis percipiet et perpetuis temporibus pacifice possidebit. Ut autem hec nostra donacio et concessio rata futuris temporibus permaneat et illesa, presentem litteram appensione nostri et nostri capituli sigilli de nostra certa scientia fecimus communiri. Nos vero Thidricus prepositus, Wil- helmus prior totumque capittulum ecclesie Brandeburgensis predicte in evidenciam dicti nostri consensus sigillum nostri capituli de certa scientia nostrorum omnium presentibus duximus apponendum. Testes huius donacionis sunt: honorabiles viri domini Hin- ricus prepositus ecclesie Litzken, Hermannus de Wederden, Conradus de Indagine* canonici ecclesie Magdeburgensis, Conradus de Krakow et de Konyngesmarke canonici ecclesie Brandeburgensis, Hinricus plebanus in Nyenborch, Johannes plebanus in Mo- kerne, et quam plures alii fide digni.
Datum Brandeburg, anno Domini m°.ccc°.xxxvj, in die nativitatis beate Marie virginis.
Aus dem Copialbuche des Kalands eu Loburg (no. LI11) im Staatsarchive zu Magdeburg. Gedr: Riedel cod. dipl. Brand. I. 24. 360—861. — 1. Im Mspt. eine leer gelassene Stelle. — 2. Mspt: Gruelhus.— 3. Mspt: possiderunt. — 4. Mspt. in dayne. — Vergl. no. 619 und 744.
Diverse: Codex diplomaticus Anhaltinus/Band 3. Dessau: Emil Barth, 1877, Seite 477. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_477.jpg&oldid=- (Version vom 31.7.2018)
