|
Diverse: Codex diplomaticus Anhaltinus/Band 3 |
|
|
1333. Juni 4. und 21. Zerbst und Gottow. Der Dechant Friedrich und das Capitel der Kirche des h. Bartholomäus zu Zerbst gründen und dotieren unter Bestätigung des Bischofs Ludwing von Brandenburg zum Besten der Kalandsbrüder daselbst an ihrer Kirche einen Altar der h. Jungfrau.
In nomine Domini amen. Universis Christi fidelibus presencia visuris et audituris Fridericus decanus totumque capitulum ecclesie sancti Bartolomei in Cerwist salutem in omnium salvatore. Temporum processu procedunt ea, que ordinantur in tempore, et a memoriis hominum dilabuntur tempore senescente. Hinc est quod ad tollendam omnem ambiguitatem et negligenciam, karitative prosequentes fratrum Kalendarum in Cerwist devotionem, ipsis fratribus bona deliberacione prehabita cum consensu tocius nostri capituli pro dotacione altaris Capelle beate Marie virginis in ecclesia nostra sancti Bartolomei in Cerwist pro vicaria perpetua perficienda et divino ibidem pro officio iugiter exercendo, pro salute animarum fratrum Kalendarum vivorum et defunctorum omniumque fidelium Christianorum vendidimus duos choros siliginis vicario perpetuo, qui ipsum altare assecutus fuerit, dandos de nostro promtuario annis singulis in festo sancti Martini episcopi perpetuo tempore duraturos. Insuper donavimus ipsis fratribus Kalendarum unum chorum siliginis pro dotacione dicti altaris pro vicaria perpetua, ut ex eo divinum ibidem officium diligencius celebretur. Pro quo quidem choro siliginis ipsis fratribus Kalendarum ad usus vicarii predicti unum mansum agrorum cum quartali in limitibus ville Roszeshayn situm cum curiis ad nos ibidem spectantibus ea condicione, qua eum domino Jacobo plebano in Goddenitz locavimus, cum hereditate pheudo, fructibus, proprietate et omni iure, quo ad nos hucusque pertinuit, donavimus perpetuo tempore possidendum, sive in melius sive in deterius contingat dictum agrum aut eius fructus per- venire. Quocienscumque vero et quandocumque ipsum altare vacaverit, decanus fratrum Kalendarum cum consensu suorum confratrum virum ydoneum de fratribus Kalendarum presentabit, quem decanus ecclesie nostre recipiet in vicarium perpetuum propter Deum. Si vero fratres ipsi concordare nequierint, extunc decanus ecclesie nostre ac decanus fratrum Kalendarum consentiant in unum virum honestum, qui sit de fratribus Kalen- darum, cui decanus ecclesie nostre altare conferet memoratum. Quod si status congre- gacionis fratrum Kalendarum predictorum forsan perire contingeret, extunc tarn pre- sentacio quam et alia iura omnia, que ipsis fratribus in sepedicto altari conpetebant, ad capitulum nostrum devolventur. Is igitur, qui dictum altare assecutus fuerit, erit perpetuus vicarius ecclesie nostre, obedienciam faciet decano ecclesie nostre, altare ipsum officiabit et chorum frequentabit. Ut igitur omnia premissa rata perpetuis temporibus perseverent, presentem litteram desuper confectam damus sigillo capituli nostri robo- ratam. Testes huius sunt: domini Theodricus Budeleri, Olricus de Wysmaria, Theodricus prepositus in Cozwitz, Hinricus Prefecti et Johannes de Kothene, canonici ecclesie nostre, Hinricus plebanus in Nyenburch, Johannes de Bornum sacerdos, Hinricus in Juterclick, Gotfridus in Gherden et Rosa in Roszenhayn plebani, qui huic ordinacioni interfuerunt, et plures alii fide digni.
Actum et datum Cerwist, anno Domini m0.ccc°.xxx° tercio, in crastino corporis Christi.
Diverse: Codex diplomaticus Anhaltinus/Band 3. Dessau: Emil Barth, 1877, Seite 442. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_442.jpg&oldid=- (Version vom 31.7.2018)
