|
Diverse: Codex diplomaticus Anhaltinus/Band 3 |
|
|
were mit rechte. Sprickt hye denne den borgheren tu umme scaden, dar scolen si tü don dat, dat recht is.
Tü den achten sculden umme scaden unde denest, dat hye dem godeshuse tü Halberstat dan hebbe, dar antwerdet de byscop alsus tü: dat si eme unwitlik. Dar spreck eck, her Arnolt, tü: Den scaden unde de kost scal he eme bekennen. Byekant he es eme, he scal dat wederdon; vorsickt he des, he scal darvor don, dat recht is.
Tu den negheden sculden umme scaden, de he neme tü Stalberch, dar antwerdet de biscop tü: dat eme dat unwitlik si, dat man eme icht sculdich si von der reyse unde s1ck des nicht bevraghenen kunne. Dar sprek eck, her Arnolt, tü: dat man eme den scaden scal berekenen. Byekant ,he es, he scal en wederdon; vorsickt he es, he scal darvor antworden, also recht is.
Tü den tegheden sculden umme gut unde umme sine man, de eme dat godeshus scole unttoghen hebben, dar antwerdet de byscope alsus tü unde dat capitel: dat si en unwitlick. Dar spreck ek, her Arnolt, tü: dat man scolde dat gut benomet hebben. Hedde he denne recht kleghere wesen üppe dat gut unde hedde me eme denne dat gut vorhalden unde hebbe he es inghen scaden, den scolde me eme weder- don, also en recht is, icht he es eme bekande.
Tü den elften sculden umme bede tü Aschersleve, dar antwerdet de byscop alsus tü: Aschersleve, hus unde stat, dat hebbe he in rechten weren unde bekenne dar nemende neuer bede. Dar spreck eck, her Arnolt, tü: dat man ene in der were scal sitten laten, went man si eme breke mit rechte.
Tü den twelften sculden umme kunnemaghe tü Hemelingen, de eme scolen un- toghen wesen, dar antwerdet de biscop tü alsus: dat eme dat unwitlik si. Dar spreck eck, her Arnolt, tü: Hedde man eme de lüde benomet, von den he den scaden hedde, dye scalde he eme tü rechte hebben sat, icht he se hedde vomocht.
Tü den drettegheden sculden umme kokenholt, dar antwerdet de biscop von Hal- berstat also tü: dat hebbe he in rechten weren. Dar spreck eck, her Arnolt, tü: dat man ene in den weren scal sitten laten, man en breke si eme mit rechte.
Tü den vertegheden sculden umme vanghenne, de nicht los worden, also dar gheheten was, dar antwerdet de byscop also tü: dat si eme unwitlik. Dar spreck eck, her Arnolt, tü: hedde he de byenomet, de eine sine vanghennen hedden vorhalden oder tü unrechte bescattet, de scolde he eme tü rechte hebben sat.
Tü den veftegheden sculden umme gheleyde, dat broken si, dar antwerdet de biscop von Halberstat also tü: he hedde vele vyande, hedde Heyso von Barkenvelde emende nomen, dem he unbilken nomen hedde, dat' were eme unwitlick. Dar spreck eck, her Arnolt, tü: dat he eme Heysen scal tü rechte setten.
Tü den sestegheden sculden umme den tegheden tü Meringhe, dar antwerdet de byscop alsus tü: he wille Hinricke Gogreven eme tü rechte setten üp de gnade, dat eme wederschi, dat recht si. Dar spreck eck, her Arnolt, tü: dat he Hinrik Goghre- ven eme scal tü rechte setten.
Tü den seventegheden sculden umme dat kercklen tü Wezstorp, dar antwerdet de biscop also tü: dat hebbe he in rechten weren. Dar spreck eck, her Arnolt, tü vor en recht: dat man ene in den weren scal sitten laten, went man se eme breke mit rechte.
Diverse: Codex diplomaticus Anhaltinus/Band 3. Dessau: Emil Barth, 1877, Seite 417. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_417.jpg&oldid=- (Version vom 31.7.2018)
