|
Diverse: Codex diplomaticus Anhaltinus/Band 3 |
|
|
Hazelndorpe eiusdemque provisoribus, scilicet priori et magistro, dimidium mansum situm in campis Zornewitze, quem a nobis Hermannus de Radesleve, civis Ascharie, pheodali possidet tytulo, cum omni iure et vera proprietate, prout ipsum hactenus habuimus, contulimus ac dimisimus pössidendum perpetuis temporibus duraturum. Testes vero huius collacionis effecti sunt: viri honesti dominus Heydenricus plebanus in Daldorpe, dominus Gunterus plebanus in Besenroden, dominus . . .' Scheie plebanus in Nuwe- litze; dominus Arnoldus Stamere, dominus Borchardus de Monte, dominus Hinricus de Curia, dominus Arnoldus de Westerhusen milites; Hinricus Stamere frater dicti domini Arnoldi, Jan de Arnstede, Johannes de Gherpstede, Fredericus Stekemest, Ludolfus et Johannes fratres dicti Botterberch famuli; Conradus Bern, Johannes Monachus, Thide- ricus Kruko, cives Ascharie; Bernhardus dicti loci notarius, et quam plures fide digni. In cuius rei testimonium presentem paginam nostrorum sigillorum munimine duximus roborandam.
Anno Domini m°.ccc°.xxvj, dominica, qua cantatur Letare.
Aus dem Original im Staatsarchive eu Magdeburg, mit den an Pergamentbändern hängen- den Siegeln sämmüicher Aussteller. — 1. Orig: Punkte.
1326. April 6. Valkenstein. Graf Burchard von Valkenstein bewidmet das Kloster Ballenstedt mit einer halben Hufe Landes zu Osmarsleben.
In nomine Domini amen. Universis Christi fidelibus presentes litteras visuris seu audituris Borghardus Dei gratia comes de Yalkensten salutem in omnium salvatore. Res geste cicius subtrahuntur memorie, nisi litterarum et testium recipiant munimenta. Hinc est quod presentibus et futuris cupimus fore notum, quod unum mansum situm in campis Asmersleve solventem inj maldra hyemalis annone annis singulis, quem a nobis strennuus miles Hinricus de Asmersleve tenuit titulo pheodali, vendidit pro beneplacita pecunia et ad manus nostras eundem mansum cum suis heredibus libere resignavit. Nos vero eundem mansum tenentes in manibus nostris donamus dimidietatem illius sol- ventem quatuor maldra hyemalis annone cum proprietate et omni iure ecclesie in Baln- stede, ut monachi de conventu ibidem festum corporis Christi annis singulis sollempniter peragant, donamus perpetue et conferimus presentibus in hiis scriptis, volentes itaque prefatam ecclesiam de predicto dimidio manso, ubicumque, quandocumque et coram qui- buscumque debebimus, secundum ius et iusticiam warandare. Nos vero in Signum huius donacionis per nos facte sigillum nostrum presentibus duximus apponendum. Testes huius sunt: Hinricus de Vizenhaghen et Thidericus fratres, et Hinricus de Hoyem mili- tes, Albertus Rant, Johannes de Asmersleve et Borchardus de Halle famuli; dominus Florin plebanus de Engremsleve, et quam plures fide digni.
Actum et datum in Valkensten, anno Domini m0.ccc°.xxvj°, dominica, qua cantatur Mi- sericordia Domini.
Aus dem Original im Maus- und Staatsarchive eu Zerbst, mit dem an einem Pergament- bande anhängenden Siegelbruchstück des Ausstellers. — Gedr: Neue MittheiU. des Thüring- Sächs. Vereins IX. 8. 46.
Diverse: Codex diplomaticus Anhaltinus/Band 3. Dessau: Emil Barth, 1877, Seite 354. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_354.jpg&oldid=- (Version vom 31.7.2018)
