|
Diverse: Codex diplomaticus Anhaltinus/Band 3 |
|
|
uses heren wort gen et cetera. Schedelude uses heren greven Bernedes sprechet dat vor en recht: ,1s den von Aschersleve, den von1 Oschersleve unde den von Halberstat unde dem klostere to Hysborch unde sinen ammechtluden, herren Hanneses von Krendorp, dem proveste to Adesleve, Conrade von Dersem, dem klostere van sante Johannes, dem clostere von sante Burcharde schade sehen, de is gheschen in emme openen werren, dat men darumme nicht antwerden darf; is en schade sehen buten den werren, wen se darumme schuldeghen, den schal use herre greve Bernet to rechte setten, den he vor- mach.1 Hir spreke we greve Hinrich von Blankenburch to also en oberman: Rof unde brant den mach nen man irwerven, dat de dorch recht gemen liden dorve; ene lidinghe ener pandinghe mach men aver irwerven vor gherichte, also rech is, icht men de irwerft oppe de lüde, de de dorcht recht liden Scholen. Darumme war rof yder brant ghe- schen sin, wene men darumme beschuldeghet, de schal darvor antwerden, also recht is.
Echt schuldeghet use here van Halberstat usen heren greven Bernde umme schat- tinghe, de ghescin is her Hermen Typeken sineme denestmanne, Bernede von Ditforde unde Tilen Schütten, de sine burger sin. Dar antwerdet use herre greve Bernt alsus to: se waren sine viande unde soghten ene; des bestridde he se unde veng se, des sint se von eme komen mit sinemme willen unde mit eremme willen mit rechter sone unde mit rechter orveyde et cetera. Schedelude unses herren von Halberstat spreket: .Mach use herre greve Bernet des ene rechte sone irtoghen, also recht is, und volbrinch he de et cetera.' Schedelude unses heren greven Berndes spreket: ,Hed use herre greve Bernet* rechte sone unde rech orveyde von hern Tupeken unde van Tilen Schütten unde van Bernede van Ditforde, der he vulkomen mach, also recht is, dar ne het he dem bischoppe von Halberstat nicht umme to antwerdene et cetera.' Hir sprec we to also eyn oberman: Mach unse herre greve Bernet der sattinghe, der use herre von Halberstat en umme schuldeghet von hern Tupeken weghene, Berndes von Ditforde unde Tilen Scutten" ene recte sone unde orveyde irtughen, also recht is, unde volbrinc he de, so schal use herre greve Bernet der bliven anne schulde.
Her Hannes von Krendorp hef og gheschuldeghet unsen herren greven Bernede umme elven marc, de he gheve der ebbedischen von Quedelingheburch. Dar antwerdet use herre greve Bernet alsus to: ,Her Hannes unde andere use man loveden der ebbe- dischen van Quedelingheburch en inlegher. Do de tid quam, do ne machtten se nicht innelighen vor eres lives not et cetera.' — Och hef her Hannes schuldeghet hern Quar- tere, her Bernde van Nyenburch, Hobusche, hern Konemanne unde den Koc umme schaden et cetera. Dar antwerdet unse herre greve Bernet to: sine man, de eme be- nomet sin, de wii he1 to rechte setten. Schedelude uses herren von Halberstat spreket: ,Umme de elven marc, bekent der greve Bernet her Hannese, he schal de eme gheven; vorsieht he ir, he schal eme don, dat recht is. Umme sine man, de he seht, he wille de eme to rechte setten, dar schal he sich an noghen laten, oft id ghesche.' Schede- lude unses herren greven Berndes spreken: Het her Hannes ienghe penninghe utge- gheven vor usen herren greven Bernde, dat he eme witlich maken mach, dat he eme büken wedergheve.' Hir sprec we to also eyn overman: Het her Hannes van Kren- dorp vor usen herren greven Bernde genghe penninghe utgegheven, bekant der use herre greve Bernet, he schal de eme ghelden; vorsaket he, he schal der unschuldich werden, also rech is. Umme sine man, de, de he to rechte boden het, brinc he de to rechte, dar schal sich unse herre van Halberstat to rechte au genoghen laten. Is der
Diverse: Codex diplomaticus Anhaltinus/Band 3. Dessau: Emil Barth, 1877, Seite 347. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_347.jpg&oldid=- (Version vom 31.7.2018)
