|
Diverse: Codex diplomaticus Anhaltinus/Band 3 |
|
|
beden et cetera.' Scedelude uses herren von Halberstat spreket, dat sik greve Bernt daran noghen scal laten, wenne it geystlike lüde sin. Hir spreke wy tho alse en overman: Is an uses herren greven Berndes closteren oder papen ienich unrecht bescattinge ghescin von des goddeshuses weghene tho Halberstat unde yen die an uses herren greven Berndes wort, dar scal man ome vore antwarden.
Aver sprik use herre greve Bernt, he hebbe de ioden tho Aschersleve in sines leenes gheweren et cetera. Dar antwardet use herre von Halberstat tho: ,In user stat tho Aschersleve sitten ioden, de hebbe wy in use weren et cetera.' Scedelude uses herren greven Berndes spreket: ,Use herre greve Bernt scal sines leenes were mit sines enes hant behalden op den heylighen et cetera.' Scedelude uses herren von Halberstat spreket, dat sik greve Bernt daran noghen scal lathen, went se in uses herren weren sitten. Hir spreke wy tho also en overman: Wy de ioden in sinen weren hed unde in des wort se yen, de scal de ioden behalden, went man ome de were breke, also recht is.
Aver nimt man hern Hermanne Grudzinge sin gut, dat he von useme herren greven Bernde hed, also he sprick, unde wel sin rechte were wesen des gudes, dat deit her Bosse von deme Berghe et cetera. Dar antwardet use herre von Halberstat tho: Her Bossen von deme Berghe dene wille he tho rechte setten. Scedelude uses herren greven Berndes spreket: ,Sintdemmale dat her Herman des güdes enen rechten herren hed unde her Bosse nenen weren hed, op dene he the in sineme antwarde et cetera.' Scedelude uses herren von Halberstat spreket: dat use herre boden hed, dat man sik daran noghen scal lathen. Hir spreke wy tho als en overman: Sculdighet her Herman Grudzing hern Bossen von dem Berghe, dat he ome neme gut tho unrechte, dat he under ome bewisen mach, dar scal her Bosse von antwarden an unscult, also recht is.
Echt sprickt use herre greve Bernt, dat man unrechten toln op des rikes strate van sinen mannen hebbe ghenomen et cetera. Dar antwardet use herre von Halberstat tho: hedde man ome yemanne benomet, den he vormochte, den weide he gerne hebben to rechte bracht. Scedelude uses herren greven Berndes spreket: ,Wene use herre greve Bernt darumme sculdighet, dene scal die biscop tho Halberstat ome tho rechte setten, den he vormach.' Scedelude uses herren von Halberstat spreket: ,Nademmale dat greve Bernt in der sculdinge nemanne benomet hed et cetera'. Hir spreke wy tho also en overman: Is yenich nige unrecht toln ghesat, de van aldere nicht gheweseu hed, den scal man aphdün. Is aver unrecht toln opghenomen, weneme darumme scul- dighet, de scal dartho antwarden, also recht is.
Ok hebbet dat goddeshus tho Halberstat, also use herre greve Bernt sprikt, sine man dartho dvungen, dat se ore lien musten von deme goddheshuse entphan et cetera. Hir anwardet use herre von Halberstat tho: ,Wy ne weten von neme dwange noch von neneme scaden et cetera.' — Scedelude uses herren greven Berndes spreket: ,Mach use herre greve Bernt des volkomen, man deyt ome daran nnrechte et cetera.' Scedelude uses herren von Halberstat spreket: ,Went greve Bernt nemanne benomet hed in der tit, do he se benomen scolde et cetera.' Hir spreke wy tho also en over- man: Is yeman dartho dvungen, dat he sin leen enphangen hevet, dar he des nicht entphan scolde, dat en is nen recht leen.
Echt sprick use herre greve Bernt, dat die von Orlemunde hebbe sin viant ghe- wesen von deme hus tho Weghenleve, darvon sie ome grot scade ghescin, den scaden
Diverse: Codex diplomaticus Anhaltinus/Band 3. Dessau: Emil Barth, 1877, Seite 344. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_344.jpg&oldid=- (Version vom 31.7.2018)
