de Anhalt, prior fratrum ordinis predicatorum domus Halberstadensis, et frater
Burchardus laycus, provisores sororum sancti Nicolai, ordinis beati Dominici, in civitate
Halberstadensi duos mansos sitos in campis apud Halberstat et loco, qui vulgariter
Luttike Marke nuncupatur, a discreto famulo Henrico dicto de Dorstat, cive Halberstadensi, pro beneplacita pecunia et accepta ac sibi plenarie persoluta, videlicet quinquaginta marcis Stendalgensis argenti provide comparassent, quos a nobis aliquamdiu
tenuit titulo pheodali idem Hinricus, ad instantiam provisorum conventus sancti Nycolai
predicti in manus nostras antedictos mansos resignavit liberos et solutos. Quos quidem,
priorisse totiusque conventus ecclesie sancti Nycolai supradicti precibus inclinati, accepto
condigno pretio, videlicet xvj marcis Stendalgensis argenti, prefato monasterio sancti
Nycolai de consensu filiorum nostrorum Lodewici scholastici in Merseburch et Johannis
ac Jordani militum laycorum necnon filiarum nostrarum Jutte et Hedewigis ceterorumque heredum nostrorum, videlicet Lodewici et Erici, et aliorum, qui in predicta donatione fuerant requirendi, cum omni proprietate et pertinentiis eorundem mansorum donavimus et presentibus elargimur perpetuo possidendos, promittentes bona fide, quod,
si aliquis procedente tempore sepedictum monasterium sancti Nycolai in donatione a
nobis super ipsa proprietate facta aliqualiter impediret, nos et nostri successores seu heredes debebimus prefatas sorores sine contradictione qualibet fideliter warandare. ---
Datum anno Domini m.ccc.xv.
1316. Februar 25. Halberstadt. Bischof Albrecht I von Halberstadt einverleibt dem Nonnenkloster zu Zerbst die Kirche zu Plötzkau.
Albertus Dei gratia episcopus ecclesie Halberstadensis dilectis sibi in Christo …1 abbatisse, …1 priorisse, necnon …1 preposito atque conventui monasterii sanctimonialium in Tzervist2, ordinis Cisterciensis, Brandeburgensis dyocesis, cum orationibus sinceram in Domino karitatem. Devotis petentium precibus et precipue illustris principis domini Alberti comitis de Anehalt, patrui nostri karissimi, necnon viri discreti Hinrici plebani ecclesie parrochialis in Plozek, nostre dyocesis, benignius inclinati indigencias vestras, dilecte in Christo filie, quibus, ut nobis innotuit, dicimini graviter fore preesse, misericorditer relevare pro parte volentes predictam ecclesiam in Plozek, cuius ius patronatus ad vos dinoscitur pertinere, cum agris, mansis, areis, pratis, pascuis, virgultis et salictis necnon filiabus eiusdem ecclesie in Plozek aliisque suis pertinenciis universis, sicut veri plebani et rectores ipsius ecclesie eam usque ad hec tempora possidere et regere consueverunt, ad honorem Dei et gloriose virginis matris sue Marie, patrone vestre, de consensu dilectorum nobis in Christo Hinrici prepositi, Frederici decani necnon Werneri de Scerenbeke archidyaconi atque capituli ecclesie nostre predicte cenobio vestro in nomine Domini unimus et incorporamus et incorporando sincere donamus, concedentes vobis et prefato conventui vestro pie ac dispensative per presentes, ut de cetero dicta ecclesia in Plozek vacante vel per mortem naturalem vel
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 201. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_201.jpg&oldid=- (Version vom 31.7.2018)
