Dhisse bref is ghegheven in dhen budhen dher hervart vor Wie, na Goddes bort dhusent iar druhundert iar dhes neghedhen iares, in dheme dhinstage in dher Osterweken.
1309. April 8. Graf Otto II von Ascharien bewidmet das Katharinenhospital zu Aschersleben mit einer von dem Marktmeister Johann von Bornen aufgelassenen Hufe Landes zu Zornewitz.
In nomine sancte et individue trinitatis amen. Dona perpetua signo et testimonio perpetue largitatis indigent, ne ea, que perpetualiter sunt donata, temptatione seu persuasione iniqua repulsam et calumpniam aliquam paciantur. Nos igitur Otto Dei gratia comes Ascharie et princeps in Anehalt omnibus presentibus et posteris, quibus hec pagina exhibita fuerit sive lecta, in perpetuum cupimus fore notum, quod, moti miseratione divina, proprietatem cuiusdam mansi siti in campis ville Zornewiz, quem Johannes dictus de Bornen, magister fori Ascharie nostre civitatis, prius a nobis iure tenuit feodali, hospitali in honore sancte Katerine virginis ac sanctorum Georgii et Antonii martirum intra muros civitatis prefate dedicato cum consensu omnium heredum nostrorum in salutem anime nostre dedimus et damus liberaliter propter Deum cum omni iure perpetuis temporibus possidendum1, renunciantes pariter omnibus iuribus, que nobis ex parte eiusdem mansi proprietaliter pertinerent. Ut igitur huiusmodi donatio inconvulsa et inconmutabilis perseveret, ipsam appensione et robore nostri sigilli fecimus et facimus communiri. Testes autem huius donationis sunt: Hennigus de Monte, Albertus de Monte, Johannes de Glindenberch, Echardus Stamere, Arnoldus Stamere, Otto Gogravius, Allexander Stumpo milites; famuli vero Arnoldus de Gersleve, Hinricus Stamere, Hinricus de Curia, Hinricus de Quinstede, Hinricus Gogravius; cives Ascharienses Bernardus Vromoldi, Daniel Sutor, Johannes Alberti, Hinricus de Kosede, Hinricus Rufus, Theodericus de Hermanrode, Theodericus in Angulo, Hermannus de Daldorp, Hinricus Gropzik, et alii quam plures fide digni.
Donatum seu datum anno Domini millesimo trescentesimo1 nono, feria tercia post Quasimodogeniti, regnante gloriosissimo imperatore nostro Henrico ac venerabili in Christo patre ac domino nostro episcopo Alberto ecclesie Halberstadensis.
1309. April 22. Avignon. Papst Clemens V nimmt das Kloster Gernrode in seinen Schutz und bestätigt dessen Rechte und Freiheiten.
Clemens episcopus, servus servorum Dei, dilectis in Christo filiabus …1 et conventui monasterii in Gerenrode ad Romanam ecclesiam nullo medio pertinentis, ordinis
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 123. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_123.jpg&oldid=- (Version vom 31.7.2018)
