quocunque nomine censeatur, prout ipsam villam predictus frater Guntherus et
sui confratres habuerunt et pariter possederunt, iusto et consueto tytulo perpetuis temporibus possidendam libere et habendam. ---
Datum anno Domini millesimo trecentesimo viijo, feria sexta ante exaltationem sancte crucis.
1308. October 25. Boppard. Erklärung der Brandenburgischen Bevollmächtigten, des Grafen Berchtold von Henneberg und des Ritters Konrad von Rieder, über die Königswahl, falls diese auf einen Markgrafen von Brandenburg, den Grafen Albrecht I von Anhalt, einen der Rheinischen Pfalzgrafen oder den Herzog Friedrich von Oesterreich fallen sollte.
Nos Berchtoldus comes de Henneberg nec non Conradus de Redere1 miles, procuratores illustrium principum Ottonis et Woldemari marchionum Brandenburgensium super futuri regis Romanorum electionis negotio constituti, ad universorum notitiam volumus pervenire, quod potestate nobis ac mandato ab iisdem marchionibus nomine eorum nec non illustris principis Rudolphi ducis Saxonie, qui suum votum in electione Romanorum regis sibi competens in predictum Ottonem marchionem noscitur transtulisse, datis, traditis et concessis, amicitie unionis et concordie foedera cum illustribus principibus Rudolpho et Ludovico comitibus palatinis Rheni, ut ipsi regno Romano salubrius consulatur, sic duximus ineunda, videlicet quod ipsis promisimus et presentibns promittimus corporali super hoc et in animas predictorum dominorum nostrorum marchionum prestito iuramento, quod in electione futuri regis Romanorum unum cum ipsis esse debeamus, sic videlicet, quod quemcunque ex principibus Ottone et Woldemaro marchionibus Brandeburgensibus, nobili viro Alberto comite de Anhalt nec non illustribus principibus Rudolpho et Ludovico comitibus palatinis Rheni et Friderico duce Austrie plura vota de principibus ecclesiasticis habere contigerit, ille preferatur et votis nostris eidem debemus adherere ipsum sine omni contradictione in regem Romanorum eligendo. Extra vero numerum predictarum personarum non eligemus nisi concurrentibus votis comitum palatinorum atque nostris. Sane est adiectum et iuramento firmatum, quod, si aliquem nostrorum marchionum predictorum vel alium ad nostram promotionem in regem Romanorum eligi contingat, prefatis comitibus palatinis in suo iure assistet et ipsi nobis vice versa et ipsorum contra omnes homines erit in perpetuo coadiutor. Est etiam promissum et iuramento firmatum, quod, si aliquem ex marchionibus predictis vel alium ad eorum promotionem in regem eligi contigerit, quod predictis palatinis conferet omnia bona sua et eos in eisdem manutenebit et defendet et predictos comites palatinos in possessione omnium bonorum, que genitor eorum possedit, et in ea possessione, si- cut tempore clare memorie quondam Rudolphi Romanorum regis possederunt, non molestabit neque turbabit. De expensis vero, que contemplatione electionis facte fuerunt,
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 115. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_115.jpg&oldid=- (Version vom 31.7.2018)
