unanimi et expresso vendidimus domino abbati et conventui monasterii in Cinna, Cisterciensis ordinis, Brandenburgensis diocesis, partem insule iuxta Prezin inter duas Albeae
refluxiones integraliter, que nos contingit ex libera donatione bone memorie nobilis viri
domini Alberti marchionis Brandenburgensis de consensu heredum suorum, scilicet domini Theoderici comitis de Werbene, dominorum Ottonis, Hermanni et Alberti marchionum ceterorumque omnium heredum suorum, cum lignis, lignorum locis, cum stagnis,
piscinis, agris, pratis, pascuis, cum viis et inviis, cum villa Twergau, et cum omnibus
ac singulis utilitatibus infra easdem Albeae refluxiones iacentibus perpetuo proprietatis
titulo possidenda. Nichilominus vendidimus eisdem omnia nemora, silvas, agros, piscium
capturas, advocatiam et omnia iura, que in hiis secundum districtiones terminorum
ad nos pertinebant, plenissime in perpetuum possidenda, volentes notum fieri omnibus
nostris successoribus, quod in nostro monasterio retinuimus literas predictorum marchionum nobis super ipsa bona tam iam dicta traditas quam super illa, que in villa Breczin
molendinis et curia per permutationem pro iuribus patronatus ecclesiarum in Burck et
in Schartove1 in dominium sancte Magdalene ecclesie transtulimus propter villam Cluczowe et Mose et curiam in Magdeburg nostro claustro contiguam et propter quedam
alia nobis competentia in eisdem literis descripta, ne in bonis nobis retentis aliquod
preiudicium patiamur, quod de voluntate predictorum dominorum de Cinna factum est,
et in cautelam easdem literas servaremus, volentes etiam, ut nec ipsi propter has retentas a nobis literas ullatenus a quovis posterorum sive successorum nostrorum unquam impedimentum aliquod patiantur, sed omnes tam2 presentes quam futuri hiis nostris literis tanquam predictorum marchionum originalibus literis nobis traditis et a
nobis retentis credant hoc scientes, quod, si villam Clutzowe seu alia bona in predictorum marchionum literis a nobis retentis descripta, que ad nos pertinent, nos seu successores nostros aliquando in posterum vendere contingeret, si ipsas marchionum literas
prefatorum bonorum emptoribus traderemus, hoc nequaquam ipsis dominis de Cinna
damnum seu aliquod preiudicium generaret, quod per has nostras literas super huiusmodi bonis traditas eisdem dominis de Cinna ratum3 esse volumus, acsi originales literas
predictorum marchionum haberent. Et nichilominus presentibus renunciamus omnibus
literis ipsorum marchionum predictorum, quantum ad huiusmodi bona, que dominis de
Cinna per dominum archiepiscopum et per nos vendita et hic conscripta, que siquidem
bona a tempore, a quo non extat memoria, quiete et pacifice tenuimus et possedimus
et, quantum ad eadem bona sic vendita, easdem marchionum literas volumus perdere4
penitus ullas vires. Tradidimus etiam ipsis de Cinna dominis literas de advocatia Breczin cum sigillis dominorum testimoniales, ut ipsi habeant cum omni iure, quo nos dinoscebamur habere. Testes sunt: honesti viri Conradus Longus, Waltherus de Gloustedt,
ceterique plurimi fide digni. Ad venditionem et conventionem predictas rite et rationabiliter a nobis factas inviolabiliter perpetuo observandas nos nostrosque successores
de consensu nostri capituli presentibus obligamus et ad perpetuam rei memoriam presentes literas in signum consensus venerabilis domini Hinrici archiepiscopi Magdeburgensis sigillo ipsius et nos Wernerus prepositus nostro, nos quoque Fredericus prior,
Johannes de Lipizk cellerarius totumque capitulum eiusdem monasterii nostro sigillis
fecimus communiri.
Datum Magdeburg, anno ab incarnatione Domini m.ccc.vij, Kalendas Aprilis, indictione quinta, concurrente sexto, epacta vicesima quinta5.
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 94. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_094.jpg&oldid=- (Version vom 31.7.2018)