Seite:DE CDA 3 040.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Otto von Heinemann (Hrsg.): Codex diplomaticus Anhaltinus. Band 3.

59.

1303. Mai 16. Ascharien. Graf Otto I von Ascharien bewidmet die Katharinenkirche und das dazu gehörige Siechenhaus zu Aschersleben mit anderthalb Hufen Landes zu Seedorf.

Ne ea, que aguntur in tempore, simul cum fluxu temporis evanescant, necesse est, ut scripturarum testimonio perhennentur. Hinc est quod nos Otto Dei gratia comes Ascharie et princeps de Anahalt recognoscimus et presentibus pupplice protestamur, quod maturo prehabito consilio ac de consensu et voluntate Ottonis filii nostri dilecti et aliorum heredum nostrorum proprietatem unius mansi et dimidii siti in campo et villa Sedorp cum pratis, pascuis ac omnibus attinentiis aliis necnon utilitate et cum omni iure, quo nos dictam proprietatem habuimus et possedimus, ecclesie sancte Katerine virginis infra muros Ascharie et infirmis ibidem dedimus perpetuo possidendam. Dictam etiam ecclesiam cum infirmis de dicto altero dimidio manso et proprietate predicta nos et heredes nostri predicti warandare volumus, ubicumque necesse habuerint et quandocumque per ipsos fuerimus requisiti. In cuius rei evidentiam presentem litteram dedimus et nostro sigillo fecimus communiri. Testes etiam huius sunt: Hennigus et Borchardus fratres de Monte, Albertus de Monte patruus eorum, Lodewicus de Elvelingerothe, Otto Gogravius, Allexander Stumpo, Heydenricus Stripan milites, famuli vero Heynemannus kamerarius, Arnoldus de Jersleve, Hinricus de Redere, Albertus de Wederstede, Hinricus de Curia, et quam plures alii fide digni.

Datum Ascharie per manum Betemanni notarii nostri, plebani in Erkesleve, anno Domini m^o.c^oc^oc^o tertio, in ascensione Domini.

Aus dem Original im Stadtarchive zu Aschersleben, mit dem an einem Pergamentbande hängenden beschädigten Reitersiegel des Ausstellers (II. Taf. III. 2).

60.

1303. Mai 16. Ascharien. Graf Otto I von Ascharien bewidmet das Kloster Capelle mit verschiedenen Gütern und der Capelle zu Gebendorf.

Ne ea, que aguntur in tempore, simul cum fluxu temporis evanescant, necesse est, ut scripturarum testimonio perhennentur. Hinc est quod nos Otto Dei gratia comes Ascharie et princeps de Anahalt recognoscimus et presentibus puplice protestamur, quod maturo prehabito consilio¹ et de consensu et voluntate heredum nostrorum proprietatem unius mansi et trium iugerum lignorum sitorum in campo ville Gevendorp cum proprietate capelle eiusdem ville Gevendorp cum omni iure, quo nos dictas proprietates possedimus, domino preposito in Capella et conventui ibidem dedimus perpetuo possidendas. In cuius rei evidenciam presentem litteram dedimus et nostro sigillo fecimus communiri. Testes etiam huius sunt: Henricus marscalcus, Hermannus Knuto, Hermannus de Appolde, Henricus et Eckehardus fratres de Kannewerfen, Conemundus de Vanre, Hermannus de Sundershusen, Otto Bok, et quam plures alii fide digni.

Datum Ascharie, anno Domini m.ccc. tertio, in ascensione Domini.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 40. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_040.jpg&oldid=- (Version vom 31.7.2018)