plebanus in Parvo Welsleve, prepositus ibidem; Hinricus marscalcus, Alexander Stumpo, Otto Gogravius et Hermannus de Bornekere milites, famuli vero Heinemannus camerarius et Arnoldus de Jersleve, et quam plures alii fide digni.
Datum per manum Betemanni notarii nostri, plebani in Errekesleve, anno Domini mo.ccco.iij, dominica qua cantatur Invocavit.
1303. März 2. Im Schlosse Helfta. Die Edelherren von Hakeborn bewidmen das Kloster Hedersleben mit verschiedenen Hufen Landes daselbst, deren eine die Ritter Hennig, Burchard und Albrecht von Berge (Erichsberg) bisher besassen.
Nos Albertus senior, Albertus, Albertus iuniores dicti de Hakeborne universis hanc paginam inspecturis recognoscimus publice protestando, quod ad instantiam et preces quorundam amicorum nostrorum et maxime ob obtentum salutis nostre anime mansum unum situm in campo Hedesleve, quem honesti milites domini Henningus, Borchardus, Albertus dicti de Monte de nostra videbantur gratia possidere, et mansum, quem honestus miles dominus Fridericus de Quenstede de nostra possedit gratia, situm in campo Hedesleve, et mansum cum curia situm in campo pretacto, quem famosi viri de Wedestorp de nostra videbantur gratia possidere, titulo appropriati iuris nostri ecclesie sanctimonialium in Hedesleve plene contulimus, ut ibidem nostra memoria iugiter perseveret, quia honorem Dei et ecclesiarum commoda, quantum in nobis est, libenter volumus roborare. Ad perpetuam igitur huius donationis habendam memoriam presens scriptum sigillorum nostrorum appensione iam dicte ecclesie contulimus roboratum.
Datum in castro Helpede, anno Domini millesimo trecentesimo tertio, sabbatho ante Reminiscere.
1303. März 10. Ascharien. Graf Otto I von Ascharien bewidmet das Kloster Adersleben mit Gütern daselbst und in Gross-Ditfurt.
Nos Otto Dei gratia comes Ascharie et princeps de Anhalt recognoscimus et presentibus publice protestamur, quod domine abbatisse totique conventui sanctimonialium ecclesie sancti Nicolai in Adesleve maturo prehabito consilio et de consensu Ottonis filii nostri ac aliorum heredum nostrorum proprietatem quinque quartalium sitorum in campo et villa Adesleve et proprietatem unius curie site in villa Ditforde Magno cum omni iure, libertate, utilitate et aliis attinentiis, quibus nos dictas proprietates possedimus,
Otto von Heinemann (Hrsg.): Codex diplomaticus Anhaltinus. Band 3., Dessau 1877, Seite 35. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_035.jpg&oldid=- (Version vom 31.7.2018)
