1302. December 30. Halberstadt. Bischof Hermann von Halberstadt und das dortige Domcapitel treten unter Zeugenschaft der Domherren Albrecht und Heinrich von Anhalt dem Kloster Marienthal zum Zweck der Auslösung ihres in ihrem Dienste gefangenen Truchsess Johann (von Alvensleben) Güter zu Hackenstedt und Pesekendorf ab.
Hermannus Dei gratia Halberstadensis ecclesie episcopus, Gunterus prepositus, Siffridus decanus, Anno scolasticus, Reynardus thesaurarius totumque capitulum eiusdem ecclesie omnibus in perpetuum. Cum ea, que geruntur in tempore, ne simul labantur cum lapsu temporis, expedit talia scriptis autenticis perhennari. Hinc est quod notum facimus universis tam presentibus quam futuris, quod, cum dominus Johannes miles, ministerialis ecclesie nostre, dictus dapifer esset in nostro et ecclesie nostre servitio captus et detentus, nos ad instancias predicti dapiferi donavimus et presentibus donamus abbati et conventui ecclesie Vallis sancte Marie in restaurum ac recompensam redemptionis captivitatis ipsius proprietatem sex mansorum in Maiori Hakenstede et quinque cum dimidio in Pesekendorp cum areis, pratis, pascuis, tam in villis quam in campis, et cum omnibus pertinenciis universis proprietatis tytulo perpetuo possidendam. Testes huius donationis sunt: Gevehardus cellerarius, Johannes prepositus Montis sancti Petri prope Goslariam, Albertus et Henricus de Anehalt, Fredericus de Plozek, Henricus de Woldenberch, Wernerus prepositus Walbucensis, venerabiles viri et canonici ecclesie Halberstadensis predicte; strennui quoque milites et honesti Gevehardus, Henricus et Fredericus fratres de Alvensleve, Ludolfus de Esebeke, Henricus de Dunnenstede pincerna, Borchardus de Berwinkele, Lodewicus de Wanzsleve, Wernerus de Slage, Hinricus Hircus, Henricus Bromes, Cunradus de Eylsleve, et quam plures alii fide digni. Ne igitur quod factum est a nobis, a quocumque in posterum valeat inmutari, in evidentiam ac testimonium donationis eiusdem presens scriptum inde confectum appensione sigillorum, nostri videlicet et capituli nostri, duximus firmiter muniendum.
Actum et datum Halberstat, anno Domini mo.ccco secundo, tercio Kallendas Januarii.
1302. Halberstadt. Bischof Hermann von Halberstadt überlässt in Beisein Albrechts und Heinrichs von Anhalt der Marienkirche zu Halberstadt etliche Güter in Osterwiek und Berwinkel, wofür das Domcapitel seitens des Ritters Burchard von Berwinkel anderweit entschädigt wird.
In nomine sancte et individue trinitatis amen. Hermannus Dei gratia Halberstadensis ecclesie episcopus omnibus in perpetuum. Rebus quidem in humanis nichil est adeo solidum atque firmum, quin de cursu temporis per nature debitum in nichilum
Otto von Heinemann (Hrsg.): Codex diplomaticus Anhaltinus. Band 3., Dessau 1877, Seite 30. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_030.jpg&oldid=- (Version vom 31.7.2018)
