1297. Mai 14. Aken. Herzog Albrecht II von Sachsen verkauft die Vogtei in den Dörfern Solnitz, Nichaiz, Zewitz und Kleutsch dem Kloster Nienburg.
Nos Albertus Dei gratia Saxonie, Angrie, Westfalie dux et comes de Bren recognoscimus per presentes, quod advocaciam seu utilitatem et redditus advocacie in villis Solniz, Nichaz, Tsewiz et Cluts et in bonis dictis villis attinentibus pro viginti sex marcis Stendalensis monete domino Conrado abbati et monasterio Nienborch heredum nostrorum vendidimus de consensu, quam equidem advocaciam tuicionis et defensionis nomine progenitores nostri et nos tenuimus a multis temporibus retroactis. Sepedictam ergo advocaciam cum omni utilitate et redditibus ex ipsa provenientibus prefato domino Conrado abbati et monasterio in Nienburch dimittimus liberam et solutam in pretactis villis, nichil nobis iuris penitus reservantes. In huius rei evidens argumentum presentem cartam nostro sigillo fecimus communiri. Testes: carissima coniux nostra Agnes; Johannes decanus, Heinricus Prango, Florinus, Theodericus de Qualendorp et Wasmodus canonici sancti Nicolai in Aken; Hermannus et Hermannus dicti de Wederde, Conradus et Otto Slichtingi, Albertus de Tseiniz milites, Jacobus de Dessowe, et alii quam plures fide digni.
Datum Aken, anno Domini mo.cco. nonagesimo septimo, proxima tercia feria post diem beati Servato.
1297. Juni 30. Halberstadt. Der Domschatzmeister zu Halberstadt und Archidiacon des Bannes Aschersleben bedrohet die Beeinträchtiger der Besitzungen und Einkünfte des Stiftes Frose mit der Excommunication.
B…1 Dei gratia thezaurarius maioris ecclesie in Halberstat ac archidiaconus banni Ascharie dilectis sibi in Christo …2 plebanis in Vrose ceterisque plebanis, ad quos hoc scriptum pervenerit, salutem in Domino. Querimoniam venerabilis domine …2 preposite tociusque conventus recepimus continentem, quod quidam vestri parrochiales postposito Dei timore ipsis et sue ecclesie quosdam agros occulte subtraxerint atque censum necnon eisdem in suis pratis, salictibus, segetibus et alias dampna occulte et manifeste plurima irrogarint. Quare vobis districtius demandamus, quatenus omnes in genere, aut quos prefate domine vobis nominaverint in specie, commonitos habeatis, ut infra quindenam cessent de inceptis et satisfaciant de illatis, alioquin extunc ipsos excommunicamus in hiis scriptis, vobis sub pena suspensionis ab ingressu ecclesie precipientes, ut eosdem excommunicatos denuncietis singulis diebus dominicis et festivis facientes eosdem ab omnibus arcius cautari.
Datum Halberstat, anno Domini mo.cco.xcvij, crastino Petri et Pauli.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 581. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_581.jpg&oldid=- (Version vom 31.7.2018)
