1295. Juni 5. Plötzke. Heinrich und Bernhard von Plötzke resignieren den Herzögen von Sachsen die Vogtei zu Aderstedt.
Illustri principi domino suo Alberto1 duci Saxonie suisque nepotibus Alberto1 et Johannio fratribus Hinricus3 et Bernhardus3 milites de Plotzeke quitquid poterint obsequii et honoris. Advocatiam super bonis et mansis in campis et villa Aderstede pertinentibus venerabilibus abbati et conventui in Ilseneburg, quam quidem advocatiam a vobis in pheodo dinoscimur habuisse, excellentie vestre cum omni iure, quod nobis in ipsa usque nunc conpetebat, ad preces domini abbatis et conventus predictorum presentibus in hiis scriptis libere resignamus. In cuius videlicet resignationis testimonium presentem litteram inde confectam fecimus sigillorum nostrorum munimine roborari. Datum Plotzeke, anno Domini mo.cco.xcv, in die sancti Bonifacii.
1295. Juni 6. In der Marienkirche zu Magdeburg. Das Generalcapitel des Prämonstratenserordens trifft bezüglich der Klöster dieses Ordens, darunter auch des Klosters Kölbigk, verschiedene Bestimmungen.
In nomine Domini amen. Nicolaus Dei gratia prepositus sancte Marie Magdeburgensis, ordinis sancti Augustini, et prelatorum ordinis eiusdem capitulum generale omnibus inspecturis salutem et fraternam in Domino charitatem. -- Igitur convocatione de nobis facta super publicatione prerogativarum et privilegiorum a predicto Premonstratensi capitulo nostro ordini indultorum ac super aliis tractatibus utilibus nobis in unum convenientibus in anniversario clare felicisque recordationis domini Norberti quondam Magdeburgensis archiepiscopi, institutoris nostri ordinis, et in ecclesia sancte Marie Magdeburgensis, de qua secundum fundationem ordinis primitivam nostre derivative descenderunt ecclesie, videlicet domino preposito ecclesie iam dicte ordinisque patre, nec non de Brandeburch, de Havelberch, Ratzeburch cathedralium, de Gratia Dei, de Lezeka, de Jericho, de Kolbeke, de Quidilingheburch, de Mildenvorde, de Poledhe, de Grammezowe, de Themeniz, de Staden, de Hilburgerode et de Brode ecclesiarum ordinis sancti Augustini prepositis, publicatis indultis supradictis, utilitate communi pensata, decrevimus infra scripta concorditer et unanimiter statuenda. -- Est autem ordo talis, quem prelati ad Premonstratense capitulum euntes circulariter observabunt. Quia dominus prepositus Magdeburgensis, de Gratia Dei, de Jericho, de Grammezowe in preterito proximo Premonstratensi fuerunt capitulo, ibit in proximo nunc appropinquante capitulo Brandeburgensis, deinde Havelbergensis, Ratzeburgensis, Letzekensis, de Staden, de Brode, de Quidelingheburch, de Kolbeke, de Hilburgerode, de Polede, de Mildevorde. Post hoc iterum prepositus Magdeburgensis circulum ordinis renovabit, eodem ordine sequenter ac deinceps ab omnibus iam dictis prelatis, ut est dictum, inviolabiliter observato.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 556. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_556.jpg&oldid=- (Version vom 31.7.2018)
