1293. Juni 19. Oldisleben. Graf Otto I von Ascharien bezeugt den Verkauf einer Hufe Landes in Prisendorf an das Kloster Oldisleben seitens seines Castellans Rudiger von Nussler und verziehtet auf seine Rechte an dieser Hufe.
In nomine Domini amen. Otto Dei gratia comes Ascharie, princeps in Anhalt, universis Christi fidelibus, ad quos presentes littere pervenerint, salutem in omnium salvatore. Quoniam acta mortalium elabi a memoria per oblivionem humane fragilitatis dinoscuntur, industria consuevit humana non inprovide facta sua scriptis autenticis commendare. Notum ergo facimus universis tam presentibus quam futuris tenore presentium lucide protestando, quod venerabilis dominus Cristianus abbas monasterii in Oldisleibin et conventus ibidem unum mansum nostre proprietatis situm in campo Prisendorff cum omnibus suis attinentiis a quodam nostro castellano Rodigero dicto de Nussler et fratre eius Ottone emerunt habito nostro consilio et consensu, nos vero cum bona voluntate heredum nostrorum, uxore nostra liberisque nostris voluntarie consencientibus in id ipsum, eundem mansum cum omni integritate pro reverencia Jhesu Christi in nostrorum veniam delictorum contulimus et donavimus ecclesie memorate, nichil in eo iuris nobis nostrisque successoribus reservantes sed omne ius et dominium, quod actenus habuimus in eisdem bonis racione progenitorum nostrorum, transferentes ad ipsos, ut idem dominus abbas et suus conventus bona sepe dicta titulo proprietatis perpetuo possideant libere et quiete. Ut igitur nostra donacio firma maneat et inviolabilis perseveret, presens scriptum super eo dedimus cum appensione sigilli nostri roboratum. Huic facto testes ydonei affuerunt: dominus Henricus marschalkus, dominus Walterus de Vrankenhusen, dominus Ircus, dominus Hermannus Cnut milites, Conemundus de Vanre, Albertus de Rodistete, Teodericus de Oderslebin, et alii quam plures fideles. Acta sunt hec in Oldesleibin, anno incarnacionis Domini mo.cco.xciij, xiij Kalendas Julii.
1293. Juni 24. Halberstadt. Eberhard Edler von Suselitz verkauft mit Einwilligung seiner Muhme Bertha von Suselitz, Canonissin zu Gernrode, und unter Besiegelung des Halberstädter Domherrn Heinrich von Anhalt zu Gunsten des Klosters Adersleben eine Hufe Landes zu Klein-Quenstedt.
In nomine Domini amen. Everhardus nobilis dictus de Suselitz omnibus Christi fidelibus presentibus et futuris, ad quos presens scriptum pervenerit, in perpetuum. Ne ea, que fiunt in tempore, post lapsum temporis evanescant, expedit scripture testimonio
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 532. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_532.jpg&oldid=- (Version vom 31.7.2018)
