precibus rationabilibus propter Deum et favorem pluries nobis et ecclesie nostre exhibitum inclinati dicte donationi iuris patronatus seu presentationis consensum adhibuimus
et presentibus adhibemus, omnibus iuribus parrochialibus ab antiquo in ipsa parrochia
habitis nobis et capitulo Misnensi seu ecclesie nostre simpliciter et integraliter reservatis. In cuius rei testimonium presens scriptum dedimus sigilli nostri munimine communitum.
Actum et datum Misne, anno Domini mo.cco.lxxxxijo, in crastino Philippi et Jacobi.
1292. Juni 3. Nienburg. Abt Konrad von Nienburg verleihet vier litonische Hufen Landes, welche Konrad von Wispiz von dem dortigen Kloster zu Lehen trägt, nach dessen Tode unter gewissen Bedingungen auf ein Jahr an den Hospitalarius des Klosters.
Conradus Dei gratia abbas monasterii in Nienburg omnibus hanc litteram inspecturis salutem in eo, qui est omnium vera salus. Notum facimus universis, quod quatuor mansos litonum, quos Conradus de Wisspiz a nostra tenet ecclesia, hospitelarius in Nienburg tollet post mortem eius cum omnibus eorum fructibus per unius anni circulum tali modo, ut dicto Conrado de hoc mundo sublato in die deposicionis eius idem hospitelarius funus suum Nienburg deduci procuret, si parentes sui non procuraverint hoc deferri, et unum pellen pro marca super feretrum ipsius ponendum comparet et eodem die nostris fratribus in claustro dimidiam marcam pro vino et fertonem pro piscibus ordinabit et panes de sex modiis dabit eodem die ad elemosinas pauperum propter Dominum et similiter disponet venientibus ad exequias ad offerendum pro marca dimidia denarios sollempniter ministrari. Item in die tricesimi Conradi memorati in dimidia marca pro vino et fertone pro piscibus fratribus in claustro et in pane sex modiorum elemosinis pauperum providebit, quicquid autem prefato hospitelario de reditibus dictorum mansorum super hiis omnibus excreverit, ad usus suos pro suis laboribus esse annuimus convertendum. Preterea duo panes, quos idem Conradus1 diebus singulis de nostro tollit pistrino, eo defuncto per annum integrum statuimus pauperibus erogari taliter, si ante obitum suum nulli obligavit, si vero obligavit, ab illo termino, quo dicti panes soluti fuerint, usque ad diem anniversarii eius hospitelarius pauperibus debet dare, deinde tam panes quam mansi libere nobis vacant. Ut autem hec ordinacio quam plurimis manifesta inviolabiliter observetur, presentem litteram nostri sigilli munimine duxi mus roborandam.
Datum Nienburg, anno Domini millesimo cco.xco.ijo, feria tercia post dominicam Domine in tua.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 511. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_511.jpg&oldid=- (Version vom 31.7.2018)
