1289. Juli 17. Rorbach. Ritter Otto von Buch verzichtet gegen 8 Mark Silbers auf sein Recht an dem Vogtholze bei Rodh, welches das Kloster Michaelstein von dem Grafen Otto I von Anhalt bekommen hat.
Nos Otto miles de Powch universis, quibus presens scriptum fuerit publicatum, salutem in Domino sempiternarm. Cum inter nos ex parte una et fratres monasterii de Lapide sancti Michahelis ex parte altera disceptatio seu dissensio foret super silva, que silva advocati dicitur et adiacet curie, que Rodh vulgariter appellatur, quam prescripta ecclesia ab illustri principe comite Ottone de Anehalt proprietatis et libertatis tytulo conpararat, et nos prefatam silvam teneremus iure pheodali a principe nominato, tandem amicorum nostrorum, domini Rodolphi militis de Winninge videlicet avunculi nostri necnon1 Jordanis de Nendorp, quibus huiusmodi dissensionem commisimus conponendam, consilio et ordinatione extitit terminatum, ut nos omni iuri, quod in prefata silva habuimus, plenarie renuncciaremus et ecclesia sepe dicta nobis octo marcas Stendalensis argenti daret in restaurum. Igitur nos de heredum nostrorum consensu et assensu renuncciavimus et renuncciamus omni iuri, quod nos vel heredes nostri habuimus vel habere possemus in silva sepius nominata. Ut igitur hec nostra abrenuncciatio per nullum possit in posterum inpediri vel infringi, ne etiam alius quisquam sibi possit aliquid iuris in pheodo vendicare, presentem paginam sigillis avunculi nostri, domini Rodolphi videlicet, et nostro necnon Jordanis de Nendorp tradimus seu tradidimus communitam.
Datum in Rorebeke, anno Domini moccolxxxix, xvj Kalendas Augusti.
1289. Juli 29. Die von Wederden resignieren dem Erzbischofe Erich von Magdeburg die von diesem dem deutschen Orden geschenkten Güter zu Buchendorf und Prelepe.
Reverendo in Christo patri domino suo Erico1 sancte Magdeburgensis ecclesie archiepiscopo Gerhardus et Hermannus de Wederde et alii ipsorum fratres debitum et paratum in omnibus obsequium. Dominationi vestre tenore presentium innotescat, quod bona ilia, que in feudo a vobis et ab ecclesia Magdeburgensi tenemus, sita prope civitatem Calvis in villa Bychenstorp et Prelepe2, que siquidem bona honorabilibus viris fratribus de domo Theutunica dedistis proprietatis titulo possidenda, vobis liberaliter resignamus litteras per presentes, adicientes, quod eadem bona, quam primum ad dominationem vestram accessum habere poterimus, libenter volumus personaliter resignare.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 462. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_462.jpg&oldid=- (Version vom 31.7.2018)
