1278. December 4. Die Aebtissin Bertradis und der Klosterconvent zu Quedlinburg über den Verkauf von Einkünften aus den Gütern der weiland Pröpstin zu Wendhausen, Kunegundis von Hohenbüchen, zu Neindorf und Mehringen an das Kloster S. Wiperti vor Quedlinburg.
In nomine Domini amen. Bertradis Dei gratia Quidelingeburgensis abbatissa totusque conventus dominarum canonicarum eiusdem ecclesie omnibus in perpetuum. Sicut dies in tempore indesinenter fluunt et transeunt vices singulas alternando, sic ea, que sub ipsis fiunt temporibus, vigorem memorie facillime perdent, ni litterarum et testium munimine firmarentur. Noverint proinde presentes et posteri, quod, cum venerabilis et nobis in Domino dilecta Conegundis quondam preposita in Wenethusen, Quidelingeburgensis canonica, dicta de Alta Fago, Patrimonium quoddam in Nendorp et in Meringe libere et quiete et ab omni inpetitione amicorum et heredum plenius expeditum per multa tempora proprietatis titulo possedisset, necessitate compulsa reditus duarum marcarum et trium solidorum de eisdem bonis ecclesie sancti Wicperti per manum domini Zacharie quondam eiusdem loci prepositi et de sua promotione vendidit in divinum servicium, in consolacionem dominorum et in elemosinam pauperum perpetuo expendendos. Quos reditus dicta ecclesia beati Wicperti annis singulis et certis temporibus, videlicet in festo dominorum marcam et dimidiam et tres solidos de bonis in Nendorp et in festo beati Martini dimidiam marcam de bonis in Meringe, percipiet expedite. Quorum omnium distribucio talis erit: --- Huius rei testes sunt: Ghertrudis preposita, Adelheidis decana, Bertrammus plebanus sancti Benedicti, Fridericus notarius, Johannes de Orden, Otto de Marsleve; ministeriales vero Thidericus pincerna, Thidericus camerarius, Conradus de Querenbeke, Bernardus Ethiops, Johannes de Ghera, Conradus Struve, et alii quam plures. ---
Anno gratie mo.cco.lxxviijo, pridie Nonas Decembris.
1278. Die Aebtissin Kunegundis von Mehringen ermässigt die Abgaben einiger der dortigen Bauern.
Conegundis1 abbatissa cum omni capitulo in Meringen omnibus hoc presens scriptum inspecturis salutem presencium et perpetuum valorem. Cum varii temporis eventus et inopinati contra propositum hominum accidere soleant, qui nunc vivit incolumis, cras se sanum existimare minime poterit, et quia generatio preterit et generatio advenit, congruum videtur et oportunum, quatenus, si quid agatur, sigillorum protestacione roboretur. Unde nos, peticione rusticorum Conradi Kenzelere, Gevehardi et Hildebrandi fratrum Snobonis, Brundal, Pipere multociens instigati, contestamur de ve mansis in eadem
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 361. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_361.jpg&oldid=- (Version vom 31.7.2018)
