1274. Magdeburg. Erzbischof Konrad II von Magdeburg ertheilt den Besuchern und Wohlthätern der von dem Kämmerer des Klosters Nienburg gegründeten Capelle des h. Nicolaus und dem damit verbundenen Krankenhause einen vierzigtägigen Ablass.
Conradus Dei gratia sancte Magdeburgensis ecclesie archiepiscopus universis Christi fidelibus, ad quos presens scriptum pervenerit, salutem in Domino sempiternam. Particeps mercedis efficitur, qui bonorum operum se constituit debitorem. Hinc est quod, cum Albertus camerarius monasterii sancte Marie in Nienborch capellam ob reverentiam et honorem beati Nycholai pontificis una cum domo quadam pauperibus ac infirmis ibidem in hospitali necessaria inchoaverit opere sumptuoso et ad consummationem earum ipsius minime suppetant facultates, universitatem vestram rogamus, monemus et in Domino exhortamur in vestrorum remissionem peccaminum iniungentes, quatinus ad structuram capelle predicte necnon officine superius memorate de bonis a Deo vobis collatis pias elemosinas et grata caritatis subsidia erogetis, ut per hec bona et alia, que Domino inspirante feceritis, ad eterna pervenire gaudia valeatis. Nos etiam de omnipotentis misericordia confidentes omnibus vere confessis et corde contritis, qui eidem loco manum adiutricem porrexerint ac in festo beati Nicholai ac in dedicatone eiusdem capelle et in anniversario dedicacionis eiusdem cum devocione illuc accesserint, quadraginta dies indulgencie cum una karrena de iniunctis sibi penitenciis misericorditer relaxamus, ratas habentes indulgencias aliorum episcoporum, si quas dicta capella fuerit consecuta. Datum Magdeburg, anno Domini mo.cco.lxxiiijo, pontificatus nostri anno septimo.
1274. Die Aebtissin Bertradis von Quedlinburg über den Verkauf von anderthalb Hufen zu Mehringen an das Frauenkloster zu Aschersleben seitens der Pröpstin von Wendhausen, Kunegundis von Hohenbüchen.
Bertradis1 Dei gratia abbatissa totusque conventus dominarum in Quidelingeburch in castro omnibus hoc scriptum visuris salutem in Domino. Quoniam quod in tempore geritur, cum tempore labitur, necesse est ea, que aguntur, lingua testium et testimonio litterarum confirmari. Tenore igitur presentium protestamur, quod dilecta nobis in Christo Conegundis preposita in Wenethusen dicta de Alta Fago mansum unum et dimidium proprietatis in Meringe, unum videlicet, quem coluerat Johannes Bodelli, et dimidium, quem coluerat frater Gevehardi, ecclesie monialium in Ascharia de nostra conscientia et voluntate vendidit perpetuo possidenda. Huius rei testes sunt: Berterammus plebanus in Quidelingburch, Henricus et Hermannus plebani ibidem; Tidericus pincerna, Tidericus camerarius, Tidericus Marrok, et alii quam plures clerici, milites et servi. Ne
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 321. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_321.jpg&oldid=- (Version vom 31.7.2018)
